అల్లు అర్జున్ నటించిన సంక్రాంతి మూవీ అలవైకుంఠపురంలో నేడు సెన్సార్ కార్యక్రమాలు పూర్తి చేసుకుంది. ఈ చిత్రానికి సెన్సార్ సభ్యులు యూ/ఏ సర్టిఫికేట్ జారీ చేశారు. కాగా సెన్సార్ సర్టిఫికెట్ అన్నౌన్మెంట్ పోస్టర్ పై బన్నీ ఫోటో ఆసక్తికరంగా ఉంది. ఆ ఫోస్టర్ చూస్తుంటే అల్లు అర్జున్ ఈ చిత్రంలో రెండు డిఫరెంట్ షేడ్స్ ఉన్న రోల్ చేస్తున్నాడని …చెప్పకనే చెవుతున్నట్లుంది. ఇప్పటికే విడుదలైన టీజర్ లో బన్నీ సాఫ్ట్ వేర్ ఎంప్లాయ్ గా, అలాగే మధ్య తరగతి పల్లెటూరి యువకుడిగా కనిపించారు. ఉద్యోగి పాత్రలో బన్నీ సాఫ్ట్ నేచర్ కలిగిన యువకుడిగా కనిపిస్తుండగా, పల్లెటూరి అబ్బాయి గెటప్ లో ఉరమాస్ యాంగిల్ లో ఉన్నాడు. ఏదిఏమైనా బన్నీ రోల్ అలవైకుంఠపురంలో రెండు భిన్నమైన షేడ్స్ కలిగివుంటుందనేది ఖాయంగా కనిపిస్తుంది.
హారిక అండ్ హాసిని క్రియేషన్ మరియు గీతా ఆర్ట్స్ సంయుక్తంగా నిర్మిస్తుండగా డైరెక్టర్ త్రివిక్రమ్ ఎమోషనల్ అండ్ యాక్షన్ ఎంటర్టైనర్ గా తెరకెక్కిస్తున్నారు. అల వైకుంఠపురంలో మూవీలో బన్నీ సరసన హీరోయిన్ గా పూజా హెగ్డే నటిస్తున్న సంగతి తెలిసిందే. కాగా సీనియర్ హీరోయిన్ టబు ఓ కీలక రోల్ చేస్తున్నారు. థమన్ సంగీతం అందిస్తుండగా సంక్రాంతి కానుకగా విడుదల కానుంది. ఈచిత్ర విడుదల తేదీపై ఇంకా సందిగ్ధత కొనసాగుతుంది.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
