ఇంటర్వ్యూలు అంటే ఆమడ దూరం ఉండే ఎంతోమంది ‘ఆలీతో సరదాగా’ అనేసరికి చాలా సరదాగా వచ్చేస్తుంటారు. అంతలా ఆ ఇంటర్వ్యూలు ఫేమస్‌ అయ్యాయి. ఎంతమంది సీనియర్‌ స్టార్లు, బయట పెద్దగా కనిపించని వాళ్లు అందులో కనిపించారు. అయితే ఇప్పుడు ఆ షో ఆగిపోనుందా? ఈ ప్రశ్నకు కచ్చితంగా అవును అనే సమాధానమే వస్తుంది. ఎందుకంటే ఈ మాట చెప్పింది ఎవరో కాదు.. ఆయనే. అవును ‘ఆలీతో సరదాగా’ స్పెషల్‌ 300 ఎపిసోడ్‌ను టీమ్‌ విడుదల చేసింది. అందులోనే అలీ ఈ విషయం చెప్పుకొచ్చారు.
అలీతో ఉన్న అనుబంధం, షోను హ్యాండిల్‌ చేసే అనిల్‌ కడియాల టీమ్‌తో ఉన్న రిలేషన్స్‌తో చాలామంది సీనియర్‌ నటీమణులు ఈ షోకి వచ్చారు. సినిమా జనాలతోపాటు అప్పుడప్పుడు స్పెషల్‌ పీపుల్‌ని కూడా ఆయన తీసుకొచ్చారు. అలా అక్టోబరు 24, 2016న ప్రారంభమైన ఈ జర్నీలో మధ్యలో చిన్న చిన్న గ్యాప్‌లు వచ్చినా.. ఫైనల్‌గా ముగిసిపోయింది. అయితే ఇది కూడా ఫుల్‌స్టాప్‌ కాదని, కామానే అని చెబుతున్నారు. అయితే ఎన్ని రోజులు గ్యాప్‌ అనేది చెప్పడం లేదు.
మంచు లక్ష్మి గెస్ట్‌గా ప్రారంభమైన ‘ఆలీతో సరదాగా’ ఇప్పుడు అలీతో స్టాప్‌ చేస్తున్నారు. ఈ ఆఖరి ఎపిసోడ్‌ను అలీ గెస్ట్‌గా సుమ హోస్ట్‌గా నిర్వహించారు. వచ్చే సోమవారం ఈ ఎపిసోడ్‌ ప్రసారమవుతుంది. ఈ సందర్భంగా అలీ ఆసక్తికర విషయాలు వెల్లడించారు. తన కెరీర్‌, పవన్‌ కల్యాణ్‌కు తనకు మధ్య ఉన్న గ్యాప్‌ ఇలా చాలా అంశాలు చర్చలోకి వచ్చాయి. అయితే ఎందుకు ఇప్పుడు ఈ కార్యక్రమం ఆపేస్తున్నారు అనేది మాత్రం చెప్పలేదు.
అలీని ఇటీవల ఆంధ్రప్రదేశ్‌ ప్రభుత్వం ‘ఎలక్ట్రానిక్‌ మీడియా సలహాదారు’గా నియమించింది. ఆ పనుల వల్ల ఇప్పుడు ఈ షో ఆపేస్తున్నారా? లేక చాలా రోజులుగా నిర్వహిస్తున్నారు కాబట్టి.. గ్యాప్‌ ఇవ్వడానికి ఆపేస్తున్నారా అనేది చెప్పలేదు. త్వరలో అలీ ఇంకేదైనా షో ప్రారంభిస్తే అప్పుడే క్లారిటీ వస్తుంది. అయితే ఇంటర్వ్యూ షో ఆగుతుంది కానీ.. వేరే గేమ్ షో ఉంటుందని టాక్‌.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
