కొన్ని నెలలుగా బాక్సాఫీస్ చాలా డల్ గా ఉంది. పెద్ద సినిమాలు ఎక్కువగా రిలీజ్ కావడం లేదు. చిన్న, మిడ్ రేంజ్ సినిమాలకి బిజినెస్ అవ్వడం లేదు. నాన్ థియేట్రికల్ బిజినెస్ అవ్వకపోవడం వల్ల.. చాలా సినిమాలు షూటింగ్ కంప్లీట్ చేసుకున్నప్పటికీ రిలీజ్ ఆలస్యమవుతున్నాయి. ఇలాంటి టైంలో ఓ సినిమా షూటింగ్ టైంలోనే టేబుల్ ప్రాఫిట్స్ జోన్లోకి రావడం విశేషంగానే చెప్పుకోవాలి కదా..! అలాంటి అరుదైన విశేషం ‘బచ్చల మల్లి’ (Bachhala Malli) సినిమా విషయంలో జరిగింది.
అవును అల్లరి నరేష్ (Allari Naresh) హీరోగా ‘సోలో బ్రతుకే సో బెటర్’ (Solo Brathuke So Better) ఫేమ్ సుబ్బు దర్శకత్వంలో తెరకెక్కుతున్న మూవీ ఇది. రాజేష్ దండా (Rajesh Danda) నిర్మాత. ఈ మధ్యనే ఈ సినిమా ఫస్ట్ లుక్ పోస్టర్ రిలీజ్ అయ్యింది. కనీసం టీజర్, ట్రైలర్ వంటివి కూడా ఇంకా బయటకు రాలేదు. అయినప్పటికీ రూ.9 కోట్లు నాన్ థియేట్రికల్ బిజినెస్ జరిగిందట. అలాగే థియేట్రికల్ బిజినెస్ రూ.5 కోట్ల వరకు జరిగింది. ఇటీవల వచ్చిన నరేష్ సినిమా ‘ఆ ఒక్కటీ అడక్కు (Aa Okkati Adakku) రూ.5 కోట్ల షేర్ ను కూడా రాబట్టలేదు.
అయినప్పటికీ ‘బచ్చల మల్లి’ సినిమాకు రూ.5 కోట్ల థియేట్రికల్ బిజినెస్ జరగడం అంటే మామూలు విషయం కాదు. అయితే ఆ రూ.5 కోట్లలో కొంత రిఫండబుల్ అడ్వాన్స్ ఉందట. టీజర్, ట్రైలర్ రిలీజ్ అయ్యి.. వాటికి మంచి రెస్పాన్స్ వచ్చి..బజ్ ఏర్పడితే, అల్లరి నరేష్ కమర్షియల్ హిట్టు కూడా ఈజీగా కొట్టేసే ఛాన్స్ ఉంటుంది.
