ఈ మధ్యకాలంలో మలయాళంలో సక్సెస్ అయిన సినిమాలను తెలుగులోకి తీసుకొస్తున్నారు. ఇప్పటికే ‘అయ్యప్పనుమ్ కోశియుమ్’ రీమేక్ లో పవన్ కళ్యాణ్ నటిస్తున్నాడు. ‘మాలిక్’ సినిమా హక్కులను కూడా సొంతం చేసుకునే ప్రయత్నాలు చేస్తున్నారు కొందరు నిర్మాతలు. ఇప్పుడు గీతాఆర్ట్స్ లాంటి సంస్థ కూడా మలయాళ సినిమాలపై దృష్టి పెట్టింది. మలయాళంలో ఈ మధ్యకాలంలో విడుదలై మంచి సక్సెస్ అందుకున్న సినిమాల్లో ‘నాయట్టు’ ఒకటి. కుంచకో బోబన్, జోజు జార్జ్, నిమిష సజయన్ ప్రధాన పాత్రలు పోషించిన ఈ సినిమాను థ్రిల్లర్ నేపథ్యంలో తెరకెక్కించారు.
ఈ సినిమాకి అన్ని వర్గాల ప్రేక్షకుల నుండి భారీ స్పందన వచ్చింది. ఇప్పుడు ఈ సినిమాను తెలుగు, తమిళ, హిందీ భాషల్లో విడుదల చేయనున్నారు. తెలుగు సినిమా రీమేక్ రైట్స్ ను గీతాఆర్ట్స్ సంస్థ దక్కించుకున్నట్లు మలయాళ చిత్ర దర్శకుడు మార్టిన్ వెల్లడించారు. అయితే ఇందులో ఎవరు నటిస్తారనే విషయాలు మాత్రం బయటకు చెప్పలేదు. గీతాఆర్ట్స్ కూడా సబ్జెక్ట్ ను డీల్ చేసే దర్శకుడి కోసం చూస్తుంది. ఇదిలా ఉండగా.. హిందీ హక్కులను నటుడు జాన్ అబ్రహం తీసుకున్నట్లు తెలుస్తోంది. ఇక తమిళ వెర్షన్ దర్శకుడు గౌతమ్ మీనన్ రూపొందించనున్నారు.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
