మనం చాలా సార్లు చెప్పుకున్నట్లు వర్క్‌ లైఫ్‌, ప్రొఫెషనల్‌ లైఫ్‌ని పక్కాగా ప్లాన్‌ చేసుకుంటున్న నేటి తరం స్టార్‌ హీరోల్లో అల్లు అర్జున్‌ ఒకరు. సినిమాలతో బిజీగా ఉన్నా, కుటుంబానికి కచ్చితమైన సమయం ఇస్తూ ఉంటారు. పార్టీలు, పుట్టిన రోజులు, వార్షికోత్సవాలు ఇలా అన్నీ చక్కగా ప్లాన్‌ చేసుకుంటూ ఉంటారు. అలా అల్లు అర్జున్‌ తన తనయుడు అయాన్‌ పుట్టిన రోజు వేడుకను ఘనంగా నిర్వహించారు. దానికి సంబంధించిన ఫొటోలు ఇప్పుడు వైరల్‌గా మారాయి.
అల్లు అయాన్‌ ఇటీవల తన ఎనిమిదో పుట్టిన రోజు జరుపుకున్నాడు. ఈ సందర్భంగా కుటుంబ సభ్యులతో కలసి అల్లు అర్జున్‌ – స్నేహా రెడ్డి అయాన్‌ పుట్టిన రోజు వేడుక నిర్వహించారు. పెద్ద డెడ్‌ పూల్‌ కేక్‌ను తీసుకొచ్చి వేడుకకు ప్రదాన ఆకర్షణగా చేశారు. అది కూడా పూర్తి స్థాయి కస్టమైజ్డ్‌ కేక్‌. ఫొటోల్లో కూడా అదే కనిపిస్తోంది. తన సోదరి అర్హతో కలసి పుట్టిన రోజును అయాన్‌ చక్కగా జరుపుకున్నాడని స్నేహ సోషల్‌ మీడియాలో రాసుకొచ్చారు.
మామూలుగా అయాన్‌ పుట్టిన రోజును అల్లు అర్జున్‌ దంపతులు విదేశాల్లో జరుపుకుంటూ ఉంటారు. గత కొన్నేళ్లుగా బయట దేశాల్లోనే సరదగా జరుపుకొని వచ్చేవారు. అయితే ఏమైందో ఏమో కానీ, ఈ సారి హైదరాబాద్‌లో నిర్వహించారు. అయాన్‌ లైఫ్‌లో ఈ పుట్టిన రోజు చాలా మరపురానిదిగా నిలుస్తుందని సన్నిహితులు చెబుతున్నారు. పుట్టిన రోజు వేడుక సందర్భగా ఏర్పాటు చేసిన యాక్టివిటీస్‌ చాలా బాగున్నాయని చెబుతున్నారు. అల్లు అర్జున్‌.. తనయుడు అయాన్‌తో దిగిన ఫొటోను షేర్‌ చేస్తూ ‘‘ నా బేబీ, నా స్వీటెస్ట్‌ సోల్‌ అయాన్‌, మెనీ మెనీ హ్యాపీ రిటర్న్స్‌ ఆఫ్‌ ది డే’ అంటూ ప్రేమగా రాసుకొచ్చారు.
దాంతోపాటు ఓ ఫొటో కూడా పోస్ట్ చేశారు. అందులో అయాన్‌ తల మీద వింగ్‌ మ్యాన్‌ అనే టోపీ ఉంది. మరోవైపు కేక్‌ను కూడా డెడ్‌ పూల్‌ డిజైన్‌లో చేశారు. ఇదంతా చూస్తుంటే సూపర్‌ హీరో సినిమాలు, పాత్రలు అంటే అయాన్‌కు బాగా ఇష్టమని తెలుస్తోంది.
1
2
3
4
5
6
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
