టాలీవుడ్ సూపర్ స్టార్ మహేష్ బాబు ఓ పక్క ‘సర్కారు వారి పాట’ మూవీలో నటిస్తూనే మరోపక్క త్రివిక్రమ్ దర్శకత్వంలో కూడా ఓ మూవీ చేయడానికి రెడీ అయిన సంగతి తెలిసిందే. ‘హారిక అండ్ హాసిని క్రియేషన్స్’ వారు ఈ చిత్రాన్ని నిర్మించబోతున్నారు. ఈ చిత్రం క్యాస్ట్ అండ్ క్రూ ని ఈ మధ్యనే ప్రకటించారు. అందులో హీరోయిన్ గా పూజా హెగ్డే ఖరారు అయినట్టు తెలిపింది చిత్ర బృందం. అయితే కథ ప్రకారం ఈ మూవీలో మరో హీరోయిన్ కు కూడా అవకాశం ఉందట.
ఈ పాత్ర కోసం మొదట హీరోయిన్ నిధి అగర్వాల్ ను అనుకున్నట్టు కూడా వార్తలు వచ్చాయి. కానీ నిధి అగర్వాల్.. ‘అలాంటిదేమి లేదని’ ఇటీవల తెలియజేసింది.అయితే ఇప్పుడు మరో క్రేజీ హీరోయిన్ పేరు కూడా వినిపిస్తుంది. వివరాల్లోకి వెళితే… ‘వకీల్ సాబ్’ తో మంచి క్రేజ్ ను సంపాదించుకున్న అనన్య నాగళ్ళ.. మహేష్ సినిమాలో సెకండ్ హీరోయిన్ గా ఎంపికైనట్టు టాక్ నడుస్తుంది. ఈ చిత్రంలో ఈమెది ప్రాముఖ్యమైన పాత్రే అని తెలుస్తుంది.
అయితే చిత్ర యూనిట్ సభ్యులు ఈ విషయాన్ని అధికారికంగా ప్రకటిస్తేనే కానీ ఈమె ఫిక్స్ అని చెప్పలేము. త్రివిక్రమ్ మూవీస్ లో సెకండ్ హీరోయిన్లకు కూడా మంచి మంచి పాత్రలు ఇస్తూ ఉంటాడు. ‘జల్సా’ లో పార్వతి మెల్టన్, ‘అత్తారింటికి దారేది’ లో ప్రణీత, ‘సన్ ఆఫ్ సత్యమూర్తి’ లో నిత్య మేనన్, ‘అరవింద సమేత’ లో ఈషా రెబ్బా, ‘అల వైకుంఠపురములో’ లో నివేదా పేతురేజ్. ఆ రకంగా చూసుకుంటే అనన్య నాగళ్ళకి మంచి అవకాశమనే చెప్పాలి.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
