బుల్లితెర పైనే కాకుండా వెండితెర పై కూడా అలరిస్తుంది అనసూయ. ‘జబర్దస్త్’ కామెడీ షో లో తన హాట్ హాట్ అందాలతో యమ క్రేజ్ సంపాదించకున్న అనసూయ ఇప్పుడు వరుస సినిమా అవకాశాలు దక్కించుకుంటుంది ఈ హాట్ యాంకర్. ‘క్షణం’ ‘రంగస్థలం’ ‘యాత్ర’ వంటి చిత్రాలలో తన నటనకు గానూ మంచి స్పందన లభించింది. ఇప్పుడు ఆమె ప్రధాన పాత్రలో నటిస్తున్న ‘కథనం’ చిత్రం కూడా త్వరలో విడుదల కాబోతుందని సమాచారం. ఇదిలా ఉండగా ఇప్పటికే సాయి ధరమ్ తేజ్ ‘విన్నెర్’, రాంచరణ్ ‘రంగస్థలం’, వరుణ్ తేజ్ ‘ఎఫ్2’ .. ఇలా మెగా హీరోల చిత్రాలలో నటించిన అనసూయ తాజాగా మరో మెగా ఆఫర్ కొట్టేసింది.
అందుతున్న సమాచారం ప్రకారం.. మెగాస్టార్ చిరంజీవి 152 వ చిత్రంగా కొరటాల శివ డైరెక్షన్లో తెరకెక్కుతున్న చిత్రంలో అనసూయ ఓ కీలక పాత్ర పోషించబోతుందని సమాచారం. దర్శకుడు కొరటాల శివ ఇటీవల అనసూయను కలిసి ఆమెకు తన పాత్ర గురించి వివరించగా.. ఆమెకు పాత్ర నచ్చడంతో వెంటనే గ్రీన్ సిగ్నల్ ఇచ్చేసిందట. అంతేకాదు ఈ పాత్రకోసం ఆమెకు భారీగా పారితోషికాన్ని కూడా ఆఫర్ చేశారట. ఈ చిత్రం మెగాస్టార్ పుట్టిన రోజు అంటే ఆగష్టు 22 న లాంఛనంగా ప్రారంభించబోతున్నారని సమాచారం.
