అనసూయ ఓ పక్కన బుల్లితెర పై అలరిస్తూనే అప్పుడప్పుడు వెండితెర పై కూడా సందడి చేస్తుంది. నటిగా ఆమెకు బోలెడన్ని ఆఫర్లు వస్తున్నప్పటికీ సెలెక్టివ్ గా తనకి మంచి పేరు తెచ్చిపెట్టే పాత్రల్ని మాత్రమే ఎంపిక చేసుకుంటూ వస్తుంది.పెద్ద సినిమా, చిన్న సినిమా అని లేదు.. పాత్ర నచ్చితే అందులో పరకాయ ప్రవేశం చేయడానికి అనసూయ రెడీ. రంగస్థలం, క్షణం, పుష్ప వంటి చిత్రాల్లో అనసూయ నటనకు మంచి మార్కులు పడ్డాయి.
పుష్ప లో అనసూయ దాక్షాయిని పాత్రలో ఈమె కనిపించింది. ఈ చిత్రంలో మంగళం శీను గా సునీల్ విలన్ షేడ్స్ ఉన్న పాత్రను పోషిస్తే… అతనికి జోడీగా అనసూయ దాక్షాయిని పాత్రని పోషించింది. ఇప్పుడు ఈ జంట మరోసారి తెర పై సందడి చేయనున్నారు. వీళ్ళిద్దరూ కలిసి దర్జా అనే మరో మూవీలో కలిసి నటిస్తున్నారు. ఈ మూవీకి సంబంధించిన టీజర్ తాజాగా రిలీజ్ అయ్యింది. ఈ టీజర్ ను కనుక గమనిస్తే అనసూయ ఫుల్ లెంగ్త్ నెగిటివ్ రోల్ లో కనిపించబోతున్నట్టు స్పష్టమవుతుంది.
కనక మహాలక్ష్మి అనే పాత్రలో అనసూయ కనిపిస్తుంది. కత్తులతో జనాల్ని పొడవడం, చంపడం వంటివి చేస్తూ క్రుయల్ గా కనిపిస్తుంది. అయితే సునీల్ మాత్రం పోలీస్ ఆఫీసర్ గా పాజిటివ్ రోల్ లో కనిపిస్తున్నాడు. ఇల్లీగల్ యాక్టివిటీస్ చేసే అనసూయకు పోలీస్ ఆఫీసర్ అయిన సునీల్ కు మధ్య జరిగే ఘర్షణే ఈ దర్జా అని టీజర్ తెలుపుతుంది. టీజర్ చూడ్డానికి పర్వాలేదు అనిపిస్తుంది.నేను చీర కట్టిన శివంగిని.. నేను వేటాడితే ఎలా ఉంటుందో వాడికి తెలియాలి అంటూ అనసూయ చెప్పే డైలాగ్ బాగుంది. సలీమ్ మాలిక్ ఈ చిత్రానికి దర్శకుడు.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
