డ్యాన్స్ మాస్టర్లు హీరోలుగా మారడం కొత్తేమీ కాదు. లారెన్స్, ప్రభుదేవా వంటి కొరియోగ్రాఫర్లు హీరోలుగా మారి సక్సెస్ అయ్యారు. అటు తరువాత దర్శకులుగా కూడా మారి ఇప్పటివరకూ రాణిస్తున్నారు. ఇక ఈ మధ్యనే జానీ మాస్టర్ కూడా హీరోగా మారుతూ.. తన కొత్త సినిమాని మొదలుపెట్టాడు.మురళి రాజ్ డైరెక్ట్ చేస్తున్న ఈ చిత్రంలో ‘హిప్పీ’ బ్యూటీ దిగంగన సూర్యవంశీ హీరోయిన్ గా నటిస్తుండడం విశేషం.’జై సింహా’ సినిమాలో అమ్ముకుట్టి, ‘రంగస్థలం’ సినిమాలో జిగేలు రాజా, ‘అలా వైకుంఠపురములో’ చిత్రంలో బుట్టబొమ్మ, ‘భీష్మ’ సినిమాలో వాట్ ఎ బ్యూటీ వంటి పాటలకు అద్భుతమైన కొరియోగ్రఫీ అందించాడు జానీ మాస్టర్.
ఇప్పుడు ఇతని లానే మరో కొరియోగ్రాఫర్ కూడా హీరోగా ఎంట్రీ ఇవ్వబోతున్నాడట. వివరాల్లోకి వెళితే.. డ్యాన్స్ మాస్టర్ యశ్ కూడా హీరోగా మారడానికి రెడీ అయ్యాడట. దిల్ రాజు నిర్మించబోతున్న ఓ చిన్న సినిమాలో ఇతను హీరోగా ఎంపికైనట్టు తాజా సమాచారం.దిల్ రాజు సినిమా అంటే మినిమం గ్యారెంటీ మూవీ.! కాబట్టి యశ్ కు మొదటి సినిమాతోనే హిట్ అందుకునే అవకాశాలు ఎక్కువగా ఉన్నాయి. తరువాత కెరీర్ ను కరెక్ట్ గా ప్లాన్ చేసుకుంటే..
ఇతను కూడా హీరోగా రాణించే అవకాశాలు ఉంటాయి అనడంలో సందేహం లేదు.ఇక ‘వకీల్ సాబ్’ తరువాత ‘ఎఫ్3’ చిత్రాన్ని కూడా నిర్మిస్తున్నాడు దిల్ రాజు. ఇవి పూర్తయిన వెంటనే 3 చిన్న సినిమాలను ఒకే టైములో నిర్మించబోతున్నాడట. వాటిలో యశ్ సినిమా కూడా ఒకటని తెలుస్తుంది.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
