‘హలమితీ హబీబో…’ అంటూ కొన్ని రోజుల క్రితం సంగీత దర్శకుడు అనిరుథ్, దర్శకుడు నెల్సన్‌ దిలీప్‌ కుమార్‌, కథానాయకుడు/ గీత రచయిత శివ కార్తికేయన్‌ ఓ పాట గురించి టీజర్ వీడియో చేశారు గుర్తుందా. వాలెంటైన్స్‌ డే సందర్భంగా ఈ పాటను విడుదల చేస్తామని కూడా చెప్పారు. అదే విజయ్‌ సినిమా ‘బీస్ట్‌’లోని పాట అది. ఆ పాట వచ్చేసింది. అంతేకాదు యూట్యూబ్‌లో దుమ్ము రేపుతోంది. అరబిక్ – కుతు (తమిళ నాటు) కాంబినేషన్‌లో రూపొందిన పాట ఇది.
సినిమా పాటల్లో ప్రయోగం చేయాలంటే అనిరుథ్ ముందుంటాడు. గతంలో ఆయన అలా చేసిన పాటలు చాలావరకు మంచి విజయం అందుకున్నాయి. సంగీత కళాకారుల్ని దేశంలో ఏ మూల ఉన్నా గుర్తించి, తీసుకొచ్చి పాటల్ని రూపొందిస్తుంటాడు. ఈ సారి ఏకంగా విదేశాలకు వెళ్లిపోయాడు. అరబ్‌ బీట్‌ని, తమిళ నాటు బీట్‌కి మిక్స్‌ చేసి ‘హలమిలీ హబీబో…’ పాటను రూపొందించాడు. ఈ పాటకు యువ కథానాయకుడు శివకార్తికేయన్‌ సాహిత్యం అందించడం విశేషం. అరబిక్ పదాలే కాకుండా తమిళ పదాలను కూడా ఈ పాటలో వాడారు.
సోమవారం సాయంత్రం విడుదలైన ఈ పాట ఇప్పుడు యూట్యూబ్‌లో ట్రెండింగ్‌లో ఉంది. అనిరుథ్ బీట్‌, జానీ మాస్టర్ స్టెప్పులు కలసి పాట ఓ రేంజిలో ఉంది. థళపతి విజయ్‌ స్టెప్పులు, పూజా హెగ్డే అందాలు పాటకు హైలైట్‌ అని చెప్పొచ్చు. చిన్న చిన్న మూమెంట్లేకానీ అదిరిపోయాయి అని ఫ్యాన్స్‌, నెటిజన్లు కామెంట్లు పెడుతున్నారు. అనిరుథ్, జొనైటా గాంధీ గాత్రం పాటను మరో లెవల్‌కి తీసుకెళ్లింది అనొచ్చు. జానీ మాస్టర్ ఈ పాట గురించి ఈ మధ్యే ఓ టీవీ షోలో మాట్లాడారు.
విజయ్‌కి ఓ పాట కంపోజ్‌ చేశానని, వచ్చాక చూస్తే అదిరిపోతుంది అన్నాడు. అన్నట్లే పాట అదిరిపోయింది. ‘డాక్టర్‌’ సినిమాతో అదరగొట్టిన నెల్సన్‌ దిలీప్‌ కుమార్‌ ‘బీస్ట్‌’కి దర్శకుడు. ఈ సినిమాను పాన్‌ ఇండియా రేంజిలో విడుదల చేస్తున్నారు. దీనికి తమిళ సంవత్సరాది ఏప్రిల్‌ 14ని డేట్‌గా ఎంచుకున్నారు. అయితే అదే రోజు యశ్‌ – ప్రశాంత్‌ నీల్‌ ‘కేజీఎఫ్‌’ కూడా రిలీజ్‌ అవుతోంది. దీంతో సినిమా అభిమానులకు పండగే పండగ.
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
