పులిని చూసి నక్క వాతలు పెట్టుకుంది అనే సామెత మీకు గుర్తుందా? దీనిని సినిమాలకు ఆపాదిస్తే హిట్ సినిమాను చూసి.. అలాంటి కథే రాయడం, బ్లాక్‌బస్టర్‌ను చూసి ఆ స్టైల్‌లో ముందుకెళ్లడం అని చెప్పొచ్చు. ఇప్పుడు బాలీవుడ్‌లో ఇలాంటి వాతలు కాన్సెప్ట్‌ రెడీ అవుతోందా… అవుననే అంటున్నాయి బీటౌన్‌ వర్గాలు. ఇక్కడ పులి ‘గదర్ 2’ అయితే… మిగిలినవాళ్లు గతంలో సన్నీ డియోల్‌తో సినిమాలు చేసిన టీమ్ అనొచ్చు. ఈ మాటలు కాస్త హార్స్‌గా ఉండొచ్చు కానీ.. ప్రయత్నాలు అలా ఉన్నాయి.
హిట్ అయితే చాలనుకుంటూ తెరకెక్కిన చిత్రం ‘గదర్ 2’. (Star Hero) సన్నీ డియోల్‌, అమీషా పటేల్‌ జంటగా రూపొందిన చిత్రమిది. ఎప్పుడో 22 ఏళ్ల క్రితం వచ్చిన ‘గదర్’ సినిమాకు ఇది సీక్వెల్‌. అప్పటి సినిమాకు సీక్వెల్‌గా అదే తారలతో చేయడం పెద్ద సవాలే. దీంతో ఈ సినిమా ఫలితం మీద చాలా ఆసక్తి నెలకొంది. అయితే నమ్మకాలు తక్కువగానే ఉండేవి. తీరా ఇప్పుడు చూస్తే సినిమా బ్లాక్‌బస్టర్‌ అయ్యింది. దీంతో సన్నీ డియోల్‌ మీద బడ్జెట్‌ పెట్టడానికి వెనుకంజ వేసిన వాళ్లు మళ్లీ ముందుకొస్తున్నారట.
అయితే కొత్త కథలు కాకుండా గతంలో సన్నితో సినిమాలు చేసినవాళ్లు ఇప్పుడు సీక్వెల్స్‌ తీయడానికి రెడీ అవుతున్నారడట. 1997లో జెపి దత్తా తీసిన ‘బోర్డర్’ సినిమాకు ఇప్పుడు సీక్వెల్‌ కథ రెడీ చేస్తున్నారని ఓ టాక్‌ నడుస్తోంది. ఇండియా – పాకిస్థాన్ వార్ డ్రామాగా అప్పట్లో ఈ సినిమా తెరకెక్కింది. ఇప్పుడు ‘బోర్డర్’ దర్శకుడు జేపీ దత్తా, తన కూతురు నిధి దత్తాతో కలసి ‘బోర్డర్ 2’ స్క్రిప్ట్ సిద్ధం చేస్తున్నారట.
తొలి పార్టులో సన్నీ డియోల్‌తోపాటు జాకీ ష్రాఫ్, సునీల్ శెట్టి, అక్షయ్ కుమార్ నటించారు. ఇప్పుడు మరి ఎవరెవరు నటిస్తారో చూడాలి. ఇదిలా ఉండగా ‘ఘాయల్’, ‘ఘాతక్’, ‘దామిని’, ‘సలాకే’, ‘అర్జున్’, ‘ఆప్నే’ లాంటి హిట్ సినిమాలను కంటిన్యూ చేద్దామనే ప్రయత్నాలు సాగుతున్నాయని మరో టాక్‌. మరి ఇవి వాతలుగా మారుతాయో… లేక విజయాలు అందిస్తాయో చూడాలి.
మిస్టర్ ప్రెగ్నంట్ సినిమా రివ్యూ & రేటింగ్!
ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?
