బాలీవుడ్ హీరో వరుణ్ ధావన్ తన తదుపరి సినిమా నితీష్ తివారి దర్శకత్వంలో చేయనున్నారు. సాజిద్ నడియాద్వాల నిర్మిస్తోన్న ఈ సినిమా రెగ్యులర్ షూటింగ్ మార్చి 15 నుంచి నిర్వహించనున్నారు. మూడు నెలల్లో సినిమాను పూర్తి చేయాలనేది దర్శకనిర్మాతల ప్లాన్. పలు లొకేషన్స్ లో సినిమాను చిత్రీకరించనున్నారు. ప్రస్తుతం క్యాస్ట్ అండ్ క్రూని ఫైనల్ చేస్తున్నారు. ఇదిలా ఉండగా.. రాక్ స్టార్ దేవిశ్రీప్రసాద్ ను మ్యూజిక్ డైరెక్టర్ గా తీసుకున్నారు.
ఇటీవల విడుదలైన ‘పుష్ప’ సినిమాకి భారీ క్రేజ్ రావడంతో నార్త్ లో దేవి డిమాండ్ బాగా పెరిగింది. బాలీవుడ్ దర్శకనిర్మాతలు తమ సినిమాల్లో దేవిశ్రీప్రసాద్ ను మ్యూజిక్ డైరెక్టర్ గా తీసుకోవాలనుకుంటున్నారు. సాధారణంగా అయితే బాలీవుడ్ లో ఒక్క సినిమాకి ఇద్దరు, ముగ్గురు మ్యూజిక్ డైరెక్టర్లను తీసుకుంటూ ఉంటారు. కానీ దేవిశ్రీను సోలో మ్యూజిక్ డైరెక్టర్ గా తీసుకుంటున్నారు. రీసెంట్ గా దేవిశ్రీప్రసాద్ బాలీవుడ్ లో ఓ సినిమాకి రెండు పాటలను కంపోజ్ చేశారు.
రణవీర్ సింగ్, పూజా హెగ్డే నటిస్తోన్న ‘సర్కస్’ సినిమాకి దేవి రెండు పాటలు కంపోజ్ చేసి ఇచ్చారు. ప్రస్తుతం దేవిశ్రీప్రసాద్ తెలుగులో ‘ఆడవాళ్ళు మీకు జోహార్లు’ అనే సినిమాకి పని చేస్తున్నారు. అలానే వైష్ణవ్ తేజ్ ‘రంగరంగ వైభవంగా’ సినిమాకి కూడా మ్యూజిక్ అందిస్తున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
