విజయ్ దేవరకొండ తమ్ముడు ఆనంద్ దేవరకొండ హీరోగా వచ్చిన ‘బేబీ’ సినిమా డబుల్ బ్లాక్ బస్టర్ గా నిలిచింది. ఈ సినిమా కొనుగోలు చేసిన బయ్యర్స్ అంతా సేఫ్ జోన్లోకి వెళ్లిపోయారు. జూలై 14 న ప్రేక్షకుల ముందుకు వచ్చిన ఈ సినిమాకి మొదటి షో నుండి పాజిటివ్ టాక్ లభించింది. సాయి రాజేష్ దర్శకత్వం వహించిన ఈ చిత్రాన్ని ‘మాస్ మూవీ మేకర్స్’ బ్యానర్ పై ఎస్.కె.ఎన్ నిర్మించారు. విరాజ్ అశ్విన్ మరో హీరోగా నటిస్తుండగా వైష్ణవి హీరోయిన్ గా నటించింది.
ప్రమోషన్లో భాగంగా విడుదల చేసిన పాటలు, టీజర్, ట్రైలర్ వంటివి ప్రేక్షకుల్ని అమితంగా ఆకట్టుకున్నాయి. అయితే ‘బేబీ’ పై కొన్ని విమర్శలు కూడా వచ్చిన సంగతి తెలిసిందే. ఈ సినిమాలో హీరోయిన్ ట్రాక్ కొంతమందికి నచ్చలేదు. ‘ఈ రోజుల్లో అమ్మాయిలు ఇంత ఘోరంగా ఉన్నారా?’ అంటూ సోషల్ మీడియాలో కొంతమంది ఘాటు వ్యాఖ్యలు చేస్తున్న సందర్భాలు కూడా ఉన్నాయి. ముఖ్యంగా ‘బేబీ’ (Baby Movie) లో ఓ డైలాగ్ ఉంటుంది.
‘నువ్వు తెరవాల్సింది కళ్ళు కాదు కాళ్ళు’ అని. ఈ డైలాగ్ చాలా జుగుప్సాకరంగా ఉంది అంటూ కొంతమంది సెటైర్లు వేస్తుండటం మనం చూస్తూనే ఉన్నాం. తాజాగా ఈ డైలాగ్ పై దర్శకుడు సాయి రాజేష్ స్పందించాడు. ‘నేను ఈ డైలాగ్ ఎందుకు రాశానా అని నిజంగా బాధపడుతున్నాను. ఈ డైలాగ్ రాసుండకుండా లేదా పెట్టకపోయుంటే బాగుండేది. అందరినీ క్షమించమని వేడుకుంటున్నాను’ అంటూ చెప్పుకొచ్చాడు.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
