గత నెల లైంగిక వేధింపులు మరియు పోక్సో కేసులో గోవాలో పోలీసులు పట్టుకున్న విషయం తెలిసిందే. 21 ఏళ్ల తన అసిస్టెంట్ కొరియోగ్రాఫర్ మీద లైంగికంగా దాడి చేయడం, మరీ ముఖ్యంగా ఆమెకు 18 ఏళ్లు నిండకుండానే ఆమెను శారీరికంగా బలవంతం చేయడం వంటి కారణాలుగా జానీ మాస్టర్ ను (Jani Master) రిమాండ్ కు తరలించారు. జానీపై పడిన కేసులను చూసిన విశ్లేషకులు ఇక అతను బయటపడడం కష్టమే అని ఫిక్స్ అయిపోయారు.
కట్ చేస్తే.. ఇవాళ రంగారెడ్డి జిల్లా కోర్టు జానీ మాస్టర్ కు బెయిల్ మంజూరు చేసింది. జానీ మాస్టర్ కు బెయిల్ రావడం వెనుక ఓ బడా స్టార్ హీరో ఉన్నాడని టాక్ వినిపిస్తున్నప్పటికీ.. క్లారిటీ మాత్రం లేదు. తొలుత జానీ మాస్టర్ బెయిల్ విషయంలో సమ్మతించని న్యాయమూర్తి, కేసులో క్లారిటీ కూడా లేకపోవడం, కొన్నేళ్ల క్రితం జరిగిన విషయానికి ఇప్పుడు కేస్ పెట్టడం వంటి విషయాలను దృష్టిలో పెట్టుకుని చాలా షరతులతో బెయిల్ మంజూరు చేసింది.
ఈపాటికి జానీ మాస్టర్ ఇంటికి చేరుకుని ఉంటాడు. అయితే.. ఈ విషయమై ఫిలిం ఛాంబర్ & మూవీ ఆర్టిస్ట్ అసోసియేషన్ తమ నిర్ణయం వెల్లడించాల్సింది. మరి జానీ మాస్టర్ ఇప్పుడు బయటికి వచ్చాడు కాబట్టి ఈ విషయమై ఏమైనా రెస్పాండ్ అవుతాడో లేదో చూడాలి. ఎందుకంటే.. ఇప్పటివరకు అందరూ ఆ లేడీ కొరియోగ్రాఫర్ స్టోరీ మాత్రమే విన్నారు. జానీ మాస్టర్ వెర్షన్ ఏంటి అనేది ఇప్పటివరకు తెలియదు. మరి జానీ ఇప్పుడు నోరు విప్పి తనవైపు స్టోరీ ఏంటి అనేది చెప్తే బాగుంటుంది.
