నందమూరి బాలకృష్ణ హీరోగా స్టార్ డైరెక్టర్ బాబీ కొల్లి(కె.ఎస్.రవీంద్ర) దర్శకత్వంలో ఓ మూవీ రూపొందుతున్న సంగతి తెలిసిందే. ‘సితార ఎంటర్టైన్మెంట్స్’ బ్యానర్ పై సూర్యదేవర నాగవంశీ నిర్మిస్తోన్న ఈ చిత్రానికి ‘ఫార్చ్యూన్ ఫోర్ సినిమాస్’ ‘శ్రీకర స్టూడియోస్’ సమర్పకులు. బాలకృష్ణ కెరీర్లో 109 వ సినిమాగా ఈ ప్రాజెక్టు రూపొందుతుంది. ఈ ‘అఖండ’ ‘వీరసింహారెడ్డి’ ‘భగవంత్ కేసరి’.. వంటి హిట్లతో సూపర్ ఫామ్లో ఉన్నాడు బాలయ్య. ‘వాల్తేరు వీరయ్య’ తో బాబీ కూడా ఓ పెద్ద బ్లాక్ బస్టర్ కొట్టి జోరు మీద ఉన్నాడు. అందుకే ఈ ప్రాజెక్టు పై భారీ అంచనాలు ఏర్పడ్డాయి.
ఇక ఈరోజు శివరాత్రి సందర్భంగా ఈ సినిమాకి సంబంధించిన ఓ గ్లింప్స్ ను విడుదల చేశారు. ఈ గ్లింప్స్ విషయానికి వస్తే.. 1 నిమిషం 24 సెకన్ల నిడివి కలిగి ఉంది. ఒక అడివి కాలిపోతున్నట్టు, డాన్స్ లో నుండి వాటర్ బదులు ఫైర్ వచ్చినట్టు.. ఈ గ్లింప్స్ ఆరంభంలో చూపించారు. బాలకృష్ణ గ్లింప్స్ లేదా ఫస్ట్ లుక్ అంటే ఎక్కువగా ఆయన కత్తి పట్టుకుని ఉన్న స్టిల్స్ వంటివి రిలీజ్ చేస్తూ ఉంటారు మేకర్స్. కానీ బాబీ మాత్రం బాలయ్యని స్టైలిష్ గా చూపిస్తూ గ్లింప్స్ ను వదిలాడు.
‘ఏంట్రా వార్ డిక్లేర్ చేస్తున్నావా?’ అంటూ విలన్ గ్యాంగ్లోని వ్యక్తి అంటే.. దానిని బాలయ్య ‘సింహం.. నక్కల మీదకు వస్తే వార్ అవ్వదురా లఫూట్’ ‘ఇట్స్ కాల్డ్ హంటింగ్’ అంటూ బాలయ్య పలికే డైలాగ్ ఫ్యాన్స్ కి పూనకాలు తెప్పించే విధంగా ఉంది. మొత్తానికి ఈ గ్లింప్స్ కి తమన్ అందించిన నేపధ్య సంగీతం కూడా బాగుంది. మీరు కూడా ఓ లుక్కేయండి :
