నందమూరి బాలకృష్ణకి అందరూ భయపడుతుంటారు. అందుకు ముఖ్య కారణం ఈయనకి ఉన్న ముక్కు సూటి తనమే అని చెప్పాలి.అతను మనసులో ఏమి పెట్టుకోడు. ఏది ఉన్నా ఫార్మాలిటీస్ ను ఫాలో అవ్వకుండా కక్కేస్తాడు. ఎదుటి వ్యక్తి తప్పు చేస్తే చిన్న, పెద్ద తేడా అనేది ఇతనికి ఉండదు.అందుకే బాలయ్యతో మాట్లాడేటప్పుడు అంతా జాగ్రత్తగా మాట్లాడుతుంటారు. అభిమానుల పై బాలయ్య చేయి చేసుకున్న సందర్భాలు కూడా ఉన్నాయి.అయితే బాలయ్య ఈ విషయంలో స్ట్రైట్ గా దొరికేసాడు.
కానీ మిగిలిన స్టార్ హీరోలు కూడా అభిమానుల పై అలాగే మేకప్ ఆర్టిస్ట్ ల పై చేయి చేసుకున్న సందర్భాలు అనేకం ఉన్నాయి. ఇదిలా ఉండగా.. అందరినీ భయపెట్టే బాలయ్యకి ఓ డైరెక్టర్ అంటే చాలా భయమట. బాలయ్య భయపడేది మరెవరికో కాదు సీనియర్ స్టార్ డైరెక్టర్ ఎస్ వి కృష్ణారెడ్డి గారికి.అవును మీరు చదువుతున్నది కరెక్టే..! గతంలో నందమూరి బాలకృష్ణ, ఎస్.వి.కృష్ణారెడ్డి ల మధ్య చోటు చేసుకున్న ఓ సంఘటన గురించి తెలిస్తే అందరూ ఆశ్చర్యపోతారు.ఎస్.వి.కృష్ణారెడ్డి గారి దర్శకత్వంలో బాలకృష్ణ ‘టాప్ హీరో’ అనే మూవీ చేశారు.
ఈ చిత్రం షూటింగ్ జరుగుతున్న రోజుల్లో ఓసారి బ్రేక్ సమయంలో యూనిట్ సభ్యులతో బాలకృష్ణ పేకాట ఆడుతున్నాడట. ఆ టైములో దర్శకుడు కృష్ణారెడ్డి అనుకోకుండా అటు వైపు వెళ్తుంటే బాలకృష్ణ టక్కున లేచి భయం భయంగా చేతులు కట్టుకుని నిలబడి ఉండిపోయాడట. దీనికి కృష్ణారెడ్డి గారు ‘అయ్యో ఎందుకు నిలుచున్నారు కూర్చోండి’ అని అన్నారట. అందుకు బాలయ్య .. ‘క్షమించండి… మీరు గొప్ప డైరెక్టర్, మీ ముందు పేకాట ఆడటం పెద్ద తప్పు’ అంటూ కంగారుగా మాట్లాడాడట. ఈరోజుకీ కూడా ఎస్.వి.కృష్ణారెడ్డి గారు ఎదురుపడితే బాలయ్య అదే భయాన్ని మెయింటైన్ చేస్తూ ఉంటారట. వినడానికే ఆశ్చర్యంగా ఉన్నా.. ఇది నిజం.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
