బాలకృష్ణ (Balakrishna) ప్రవర్తన గురించి ఎప్పుడూ ఏదో ఒక వివాదం జరుగుతూనే ఉంటుంది. బాలయ్యకి కోపం ఎక్కువ. అంతే కాదు సెంటిమెంట్లు కూడా ఎక్కువ. ఇందువల్ల ఒక్కోసారి అతను కఠినంగా వ్యవహరిస్తూ ఉంటాడు. అంతేకాదు చెప్పిన మాట వినకపోయినా అతనికి కోపం వచ్చేస్తూ ఉంటుంది. అతని మాట వినకపోతే తోటి నటీనటులను కూడా క్షమించడు. ఇది చాలా సందర్భాల్లో ప్రూవ్ అయ్యింది. ఫ్యాన్స్ వట్టినే మీద పడిపోతుంటే.. అతను చెయ్యి చేసుకున్న సందర్భాలు చాలానే ఉన్నాయి.
అలాగే ఓ సినిమా వేడుకలో భాగంగా అందులో హీరోని చెయ్యిపై కొట్టడం, అలాగే అదే ఈవెంట్లో తన ఫోన్ విసిరేయడం, మరోపక్క సెల్ఫీ తీసుకుంటున్న వారి చెయ్యి పై కొట్టడం.. ఇలాంటివి ఎన్నో వీడియోలు బాలయ్యని ట్రోల్ అయ్యేలా చేశాయి. తాజాగా ఇలాంటి సంఘటనే మరోటి చోటు చేసుకుంది. నిన్న ‘గ్యాంగ్స్ ఆఫ్ గోదావరి’ (Gangs of Godavari) సినిమా ప్రీ రిలీజ్ వేడుక జరిగింది. దీనికి బాలయ్య గెస్ట్ గా వచ్చాడు. ఇందులో భాగంగా స్టేజ్ పైకి వచ్చినప్పుడు ఫోటోలకి ఫోజులిచ్చే క్రమంలో..
హీరోయిన్ అంజలిని (Anjali) కొంచెం దూరం జరగమని బాలయ్య చెప్పారు.అప్పుడు అంజలి స్లోగా జరుగుతుంది. దీంతో బాలయ్యకి కోపం వచ్చి ఆమెను పక్కకు నెట్టారు. దీంతో ఒక్కసారిగా అంజలి షాక్ అయ్యింది. పక్కనే ఉన్న హీరోయిన్ నేహాశెట్టి కూడా అంజలి వైపు అయోమయంగా చూసింది. తర్వాత వారు నవ్వుకుని వదిలేశారు. అయితే ఇదే వేడుకలో బాలయ్య.. వాటర్ బాటిల్ లో మద్యం పోసుకుని సేవించినట్టు.. బాలయ్యకి అలాగే ఆయన పార్టీకి వ్యతిరేకంగా పనిచేస్తున్న మీడియా సంస్థలు ప్రచారం చేస్తున్నాయి.
