సోషల్‌ మీడియా ట్రోలర్స్‌ అంటే మీ కోపమా? అంటే అవును అనే చెబుతారు. అయితే అప్పుడు మీరు ట్రోలర్‌ అవ్వకుండా ఉండాలి. ట్రోలర్‌ కానివాళ్లకు మాత్రమే ట్రోలింగ్‌ అంటే కోపమొస్తుంది. ఏమంటారు నిజమేనా. టాలీవుడ్‌లో ట్రోలర్‌ – హీరోల మధ్య స్ట్రాంగ్‌ బాండ్‌ ఉన్నవాళ్లలో నందమూరి బాలకృష్ణ ఒకరు. ఆయనేం చేసినా ట్రోల్‌ చేస్తుంటారు అని ఓ టాక్‌. ఆయన ఫ్యాన్స్ కూడా అదే అంటుంటారు. ఇప్పుడు బాలయ్య కూడా ఇదే మాట అంటున్నారు. అంతేకాదు ట్రోలర్స్‌కు స్ట్రాంగ్‌ వార్నింగ్‌ కూడా ఇచ్చాడు.
బాలకృష్ణకు ఇటీవల కాలంలో ఫ్యాన్స్, చిరాకు పెట్టించే ప్రేక్షకులతోపాటు నెటిజన్లు, ట్రోలర్స్‌ మీద కూడా బాగా కోపం పెరిగింది. అది ఏ రేంజి కోపమంటే… కనిపిపిస్తే దవడ పగలగొట్టేంత అంట. ‘లెఫ్ట్‌ హ్యాండ్‌ కూడా రెడీ అయ్యింది… అలాంటివాళ్లు కనిపిస్తే దవడ పగలగొట్టేస్తా’ అంటూ స్ట్రాంగ్‌ వార్నింగ్‌ ఇచ్చారు బాలయ్య. ‘ఆహా’లో టెలీకాస్ట్‌ అవుతున్న ‘అన్‌స్టాపబుల్‌’ షోకి ఈ వారం రవితేజ వచ్చాడు. ఈ సందర్భంగా ఈ ఇద్దరి మధ్య గొడవలు ఉన్నాయంటూ చాలా రోజులుగా వార్తలు వస్తున్న విషయాన్ని ఇద్దరూ ప్రస్తావించుకున్నారు.
దాంతోపాటు తమ మధ్య ఎలాంటి గొడవలు లేవంటూ క్లారిటీ ఇచ్చుకున్నారు. ఈ క్రమంలో రవితేజ ‘డ్యాష్ డ్యాష్’ అంటూ ఏదో అన్నాడు కూడా. అదంతా అయిపోయింది కదా… అనుకుంటుండగా… షో ఆఖరున మరోసారి క్లాస్‌ పీకే పని పెట్టుకున్నాడు బాలయ్య. ఏదేదో చెబుతూ… ఊరూ, పేరూ లేకుండా ఎక్కడో ఉంటూ సోషల్‌ మీడియాలో ఫేక్‌ విషయాలను వ్యాప్తి చేసేవాళ్లను ఎట్టి పరిస్థితుల్లోనూ వదిలేది లేదని తేల్చేశాడు. ఇటీవల సర్జరీ జరిగిన లెఫ్ట్‌ హ్యాండ్‌ కూడా రెడీ అయ్యిందని, ట్రోలర్లు ఎదురుపడితే దబిడిదిబిడే అంటూ వార్నింగ్‌ ఇచ్చాడు బాలయ్య.
ఇదంతా ఓకే కానీ… అసలు బాలయ్యకు ట్రోలర్ల మీద ఇంత కోపం ఎందుకు వచ్చింది. ఇన్నాళ్లుగా ఈ విషయంలో కామ్‌గా ఉన్న బాలకృష్ణ ఇప్పుడు ఇంత అగ్రెసివ్‌గా వార్నింగ్‌లు ఇవ్వడం వెనుక కారణం ఏమవ్వొచ్చు అంటూ నెటిజన్లు చర్చించుకుంటున్నారు. సినిమాకు సంబంధించిన విషయాల గురించి బాలయ్య ఇలా అన్నారా? లేక వ్యక్తిగత విషయాల గురించి ఇలా మాట్లాడారా అనేది ఆయనకే తెలియాలి.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
