బండ్ల గణేష్.. ఈ పేరు గురించి ప్రత్యేక పరిచయమవసరం లేదు. ఒకప్పుడు ఈయన సినిమాల్లో కమెడియన్ గా చేసేవాడు. తరువాత ఈయన రియల్ ఎస్టేట్ బిజినెస్ క్లిక్ అవ్వడంతో.. సినిమాలు నిర్మించే స్థాయికి ఎదిగాడు. అది కూడా ‘తంతే బూరెల బుట్టలో పడినట్టు’ పెద్ద పెద్ద స్టార్ హీరోలతో సినిమాలు నిర్మించే అవకాశాలనే దక్కించుకున్నాడు. పవన్ కళ్యాణ్ ఇప్పటికే రెండు సినిమాలు ఛాన్స్ ఇచ్చాడు. ఇప్పుడు మూడో ఛాన్స్ ఇవ్వడానికి కూడా రెడీ అయ్యాడు.
ఎన్టీఆర్ కూడా రెండు సినిమాలు ఛాన్స్ ఇచ్చాడు. రాంచరణ్, అల్లు అర్జున్ వంటి స్టార్ హీరోలు కూడా బండ్ల గణేష్ నిర్మాణంలో సినిమాలు చేశారు. అయితే ఒక్క ప్రభాస్, మహేష్ బాబు మాత్రం బండ్ల గణేష్ నిర్మాణంలో సినిమాలు చెయ్యలేదు. మహేష్ బాబు సంగతేమో కానీ.. ప్రభాస్ మాత్రం బండ్ల గణేష్ నిర్మాణంలో సినిమా చెయ్యడానికి రెడీ అయ్యాడు. ఇందుకు బండ్ల గణేష్.. ప్రభాస్ ను సంప్రదించగా.. ‘లారెన్స్ దగ్గరకు వెళ్లి కథ వినండి..
నచ్చితే మీరే నిర్మించేద్దురు’ అని చెప్పాడట. కానీ తన పర్సనల్ రీజన్స్ వల్ల బండ్ల గణేష్.. దర్శకుడు లారెన్స్ వద్దకు వెళ్లలేదట..! తరువాత ఆ చిత్రాన్ని భగవాన్ – పుల్లారావు లు నిర్మించారు. ఆ చిత్రం మరేదో కాదు ‘రెబల్’. వరుస హిట్లతో ప్రభాస్ తిరిగి ఫామ్లోకి వచ్చిన తరుణంలో ‘రెబల్’ చిత్రం ప్రభాస్ కు పెద్ద షాకిచ్చింది. ఫైనల్ గా ఈ చిత్రం రూ.15కోట్ల వరకూ నష్టాలను మిగిల్చింది. ఇంత పెద్ద ఫ్లాప్ నుండీ బండ్ల గణేష్ మిస్ అయ్యాడు అంటే.. అతని అదృష్టం ఎలా ఉందో అర్ధం చేసుకోవచ్చు..!
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
