పవన్ కళ్యాణ్ హీరోగా బండ్ల గణేష్ నిర్మాతగా ఒక సినిమా తెరకెక్కనుందని గతంలో వార్తలు తెగ వైరల్ అయిన సంగతి తెలిసిందే. అయితే తాజాగా బండ్ల గణేష్ పవన్ తో సినిమా గురించి, ఇతర సినిమాల గురించి మాట్లాడుతూ ఆసక్తికర విషయాలను వెల్లడించారు. తాను పవన్ తో సినిమాను నిర్మించినా నిర్మించకపోయినా పవన్ వెంటే తిరుగుతానని బండ్ల గణేష్ చెప్పుకొచ్చారు. పవన్ తో సినిమా తీయడానికి పవన్ వెంట తిరగడానికి సంబంధం లేదని బండ్ల గణేష్ వెల్లడించారు.
రెండోసారి కరోనా వచ్చిన సమయంలో 80 శాతం లంగ్స్ దెబ్బ తిన్నాయని ఏ ఆస్పత్రికి ఫోన్ చేసినా బెడ్స్ లేవని చెప్పారని బండ్ల గణేష్ అన్నారు. పవన్ కళ్యాణ్ గారికి కాల్ చేద్దామని అనుకుంటే ఆయన కూడా అప్పుడే కరోనా బారిన పడ్డారని బండ్ల గణేష్ పేర్కొన్నారు. ఏం చేయాలో తెలీక చిరంజీవి గారికి ఫోన్ చేశానని ఆ తర్వాత వెంటనే బెడ్ ఎరేంజ్ చేసినట్టు కాల్ వచ్చిందని బండ్ల గణేష్ వెల్లడించారు.
ఈరోజు తాను బతికున్నానంటే చిరంజీవి గారే కారణమని బండ్ల గణేష్ తెలిపారు. ఒకరోజు ఆలస్యం చేసినా చనిపోయేవాడినని డాక్టర్లు చెప్పారని బండ్ల గణేష్ వెల్లడించారు. అయితే బండ్ల గణేష్ చేసిన కామెంట్ల వల్ల ఆయన పవన్ తో సినిమా తీస్తారో లేదో అనే ప్రశ్నలు వినిపిస్తున్నాయి. ప్రస్తుతం బండ్ల గణేష్ కొత్త సినిమా కోసం గడ్డం పెంచుకునే పనిలో పడ్డారని సమాచారం.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
