‘బాహుబలి’ సినిమాతో ప్రభాస్ క్రేజ్ అమాంతం పెరిగిపోయింది. టాలీవుడ్ లో ప్రభాస్ నటించిన చాలా సినిమాలను డబ్ చేసి ఇతర భాషలలో విడుదల చేశారు. ఇప్పుడు ఆయన కెరీర్ లో మైల్ స్టోన్ లాంటి సినిమా ‘ఛత్రపతి’ని రీమేక్ చేయడానికి సన్నాహాలు జరుగుతున్నాయి. ఈ సినిమాలో యాక్షన్, ఎమోషన్స్ ఓ రేంజ్ లో ఉంటాయి. రాజమౌళి తెరకెక్కించిన ఈ సినిమా మదర్ సెంటిమెంట్ బాగా పడింది. ఈ సినిమాలో ప్రభాస్ ని ఎలివేట్ చేసిన తీరు అభిమానులు ఇప్పటికీ మర్చిపోలేరు. అంతగా ఈ సినిమా ఇంపాక్ట్ చూపించింది. ఈ సినిమా వచ్చి సరిగ్గా పదిహేనేళ్లు పూర్తయింది.
ఇన్నాళ్లకు ఈ సినిమాను బాలీవుడ్ లో రీమేక్ చేయడానికి సిద్ధమవుతున్నారు. దీనికోసం ఓ బాలీవుడ్ టీమ్ మొత్తం పని చేస్తోంది. సినిమాకి సంబంధించిన క్రూ మొత్తం కూడా బాలీవుడ్ వాళ్లే. అయితే హీరో మాత్రం తెలుగు హీరో బెల్లంకొండ సాయి శ్రీనివాస్ అని తెలుస్తోంది. రెండు, మూడు రోజుల్లో ఈ సినిమాకి సంబంధించిన అఫీషియల్ అనౌన్స్మెంట్ రాబోతుందని సమాచారం. బెల్లంబాబుకి ఈ సినిమాలో ఆఫర్ రావడం పలువురిని ఆశ్చర్యానికి గురి చేస్తోంది.
బెల్లంకొండ నటించిన తెలుగు సినిమాలన్నీ హిందీలో డబ్ చేసి.. యూట్యూబ్ లో విడుదల చేయగా.. మిలియన్ల హిట్లు అందుకున్నాయి. అతడి ఫైట్స్ కి కూడా హిందీలో క్రేజ్ ఏర్పడింది. ఈ క్రమంలో బెల్లంకొండకి ఈ బాలీవుడ్ ఆఫర్ వచ్చి ఉంటుందని అనుకుంటున్నారు. అయితే ‘ఛత్రపతి’ సినిమాలో యాక్షన్ తో పాటు సెంటిమెంట్, ఎమోషన్ కూడా ఉంటుంది. మరి అటువంటి సన్నివేశాల్లో బెల్లంకొండ ఎంతవరకు రాణించగలడో చూడాలి!
Most Recommended Video
ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!
