‘దొంగల బండి’ చిత్రంతో డీసెంట్ హిట్ అందుకున్న దర్శకుడు సతీష్ వేగేశ్న అటు తరువాత `శ‌త‌మానం భ‌వ‌తి` చిత్రంతో బ్లాక్ బస్టర్ కొట్టడమే కాకుండా నేషనల్ అవార్డుని కూడా రప్పించాడు. అటు తరువాత ‘శ్రీనివాస కళ్యాణం’ కొంతమందిని మెప్పించినప్పటికీ కమర్షియల్ సక్సెస్ కాలేకపోయింది.ఇక ఏడాది వచ్చిన `ఎంత మంచివాడ‌వురా’ కూడా ఆశించిన ఫలితాన్ని ఇవ్వలేకపోయింది.దీంతో ఈసారి ఫ్యామిలీ డ్రామా కాకుండా `కోతి కొమ్మచ్చి` అనే యూత్ ఫుల్ డ్రామాని తెరకెక్కించడానికి రెడీ అవుతున్నాడు దర్శకుడు సతీష్ వేగేష్న.
దానికి సంబంధించి న ఫస్ట్ లుక్ ను కూడా ఈరోజు విడుదల చేసారు. దివంగత నటుడు శ్రీహరి కొడుకు మేఘాంశ్ హీరోగా న‌టిస్తున్న ఈ చిత్రంలో దర్శకుడు సతీష్ వేగేశ్న కొడుకు స‌మీర్ కూడా హీరోగా ప‌రిచ‌యం అవుతున్నాడు.ఈరోజు సతీష్ వేగేష్న పుట్టినరోజు కావడంతో ఫస్ట్ లుక్ ను విడుదల చేసినట్టు స్పష్టం అవుతుంది. ఈ చిత్రంలో కామెడీ తో పాటు ఫ్యామిలీ ఎలిమెంట్స్ కూడా పుష్కలంగా ఉంటాయట.
ఈ చిత్రంతో దర్శకుడు సతీష్ హిట్టు కొట్టి మళ్ళీ ఫామ్లోకి రావాలి అలాగే తన కొడుకుని అలాగే శ్రీహరి కొడుకుని హీరోలుగా నిలబెట్టాలి.అంటే ఇది చాలా టఫ్ టాస్క్ అనే చెప్పాలి. ఇక ఈ చిత్రంలో నటీ నటుల వివరాల్ని అలాగే సాంకేతిక నిపుణుల వివరాల్ని అతి త్వరలో ప్రకటించనున్నారు.
Most Recommended Video
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
IMDB రేటింగ్స్ ప్రకారం టాప్ 25 టాలీవుడ్ మూవీస్ ఇవే…!
