బిగ్‌బాస్ 5 సీజన్‌లో జనానికి ఎక్కువగా ఎక్స్‌పెక్టేషన్స్ వున్న కంటెస్టెంట్స్‌లో సరయు ఒకరు. 7 ఆర్ట్స్ పేరిట యూట్యూబ్ ఛానెల్‌లో సరయు చేసిన సందడి అంతా ఇంతా కాదు. ఆ టైప్ కంటెంట్‌తో ఎలాంటి విషయాన్ని అయినా ముక్కుసూటిగా వున్నది వున్నట్లు చెప్పడంలో సరయు ఏ మాత్రం మొహమాట పడదు. అయితే బిగ్‌బాస్ హౌస్‌లో రఫ్ఫాడిస్తానని రంగంలోకి దిగిన ఈ అమ్మడు ఆశ్చర్యకరంగా ఫస్ట్ వీక్‌లోనే ఎలిమినేట్ అయి ప్రేక్షకులకు, ఆమె అభిమానులకు షాకిచ్చింది. తద్వారా సీజన్ 5లో తొలి ఎలిమినేటర్‌గా సరయు రికార్డుల్లోకెక్కింది.
ఆమె ఎలిమినేషన్‌పై ఎన్నో ఊహాగానాలు, గాసిప్స్ మీడియా సర్కిల్స్‌లో చక్కర్లు కొట్టాయి. అయితే ఇప్పటికే ఉన్న ఫేమ్‌కి తోడు బిగ్‌బాస్ వల్ల వచ్చిన అదనపు పాపులారిటీతో సరయు ఇంటర్వ్యూలతో బిజిబిజీగా ఉంటోంది. ఈ నేపథ్యంలో ఓ యూట్యూబ్ ఛానెల్‌కి ఇచ్చిన ఇంటర్వ్యూలో తన లైఫ్‌లో చోటు చేసుకున్న ముఖ్యమైన విషయాలను పంచుకుంది. ఈ క్రమంలోనే ఇండస్ట్రీలోని క్యాస్టింగ్ కౌచ్‌‌పై సంచలన వ్యాఖ్యలు చేసింది. సినిమాలంటే పిచ్చితో ఇండస్ట్రీలో అడుగుపెట్టానని.. కొత్తలో చాలామంది తనను కమిట్‌‌మెంట్ అడిగారని వాపోయింది.
అప్పుడు తన పరిస్ధితిని గుర్తుచేసుకుని చాలా ఏడ్చేదానిని సరయు చెప్పింది. వాళ్ళకి నేను అలా కనిపిస్తున్నానా అని కుమిలిపోయేదాన్నని కంటతడి పెట్టింది. కానీ 7 ఆర్ట్స్ ఛానల్ పెట్టిన తర్వాత తాను ఎవరికీ భయపడలేదని స్పష్టం చేసింది. అలాగే ఏడేళ్లు రిలేషన్‌లో వున్న వ్యక్తిని కట్నం విషయంలో గొడవ కారణంగా అతనితో పెళ్లి క్యాన్సిల్ అయ్యిందని సరయు కంటతడి పెట్టింది. కానీ ఫ్యూచర్‌లో మాత్రం తన వ్యక్తిత్వానికి సెట్ అయ్యే అబ్బాయినే పెళ్లి చేసుకుంటానని చెప్పింది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
