హిందీ బిగ్‌బాస్‌ కొత్త వెర్షన్‌ త్వరలో మొదలుకాబోతోంది. అయితే ఈసారి టీవీ కోసం కాదు, ఓటీటీ కోసమనే విషయం తెలిసిందే. ఆగస్టు 8 నుండి ఈ ‘ఓటీటీ బిగ్‌బాస్‌’ మొదలుకాబోతోంది. ఈ క్రమంలో షో సెట్‌కు సంబంధించిన కొన్ని ఫొటోలు బయటికొచ్చాయి. ఇప్పటివరకు వచ్చిన బిగ్‌బాస్‌ హౌస్‌ సెట్‌లకు భిన్నంగా ఈ సారి సెట్‌ను రూపొందించారు. కావాలంటే పై ఫొటోలు చూడండి… కొత్తగా కనిపిస్తాయి. ఓటీటీ కోసం చేస్తున్న బిగ్‌బాస్‌ హౌస్‌లో వాల్‌ డెకరేషన్‌, పెయింటింగ్‌ లాంటివి ఎప్పటిలాగే ఉన్నాయి.
అయితే బెడ్స్‌ దగ్గరికొచ్చేసరికి కాస్త డిఫరెంట్‌గా ప్లాన్‌ చేశారు. హాస్టల్‌ టైప్‌లో డబుల్‌ డెక్కర్‌ మంచాలు కనిపిస్తున్నాయి. ఈ షో కోసం ప్లేస్‌ ఏమన్నా చిన్నగా తీసుకున్నారేమో… ఇలా ప్లాన్‌ చేశారు అని సోషల్‌ మీడియాలో కామెంట్లు వస్తున్నాయి. దీంతోపాటు డైనింగ్‌ ఏరియా లుక్‌ను పూర్తిగా మార్చేశారు. ఇక షో స్టైల్‌ గురించి చూస్తే… ప్రముఖ నిర్మాత కరణ్‌ జోహార్‌ ఈ షోను హ్యాండిల్‌ చేస్తారు. టీవీలో వచ్చే షో తరహాలోనే పూర్తి హంగులతో దీనిని ప్లాన్‌ చేస్తున్నారట.
ఇప్పటికే ఈ సెట్‌లో కరణ్‌ జోహార్‌ మీద స్పెషల్‌ వీడియోను కూడా షూట్‌ చేసినట్లు లీక్‌డ్‌ ఫొటోల ఆధారంగా తెలుస్తోంది. మరో ఏడు వారాల్లో టీవీ బిగ్‌బాస్‌ ప్రారంభం కానుంది. ఈలోపు ఓటీటీ బిగ్‌బాస్‌ను ఎంజాయ్‌ చేసేయొచ్చు.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
