సంక్రాంతికి వచ్చిన సినిమాల వల్ల సినిమాల భవిష్యత్తుకు ఒక నమ్మకం వచ్చింది. ఇక ఇటీవల వచ్చిన ఉప్పెనతో ఆ నమ్మకం మరింత ఎక్కువయ్యిందనే చెప్పాలి. సినిమా సినిమాకి బాక్సాఫీస్ స్టామినా పెరుగుతోంది. ఇక రానున్న రోజుల్లో స్టార్ హీరోల మధ్య పోటీ తీవ్రత కూడా మరింత ఎక్కువ కానుంది. ఇక ఒకే డేట్ రోజు ప్రభాస్, వరుణ్ తేజ్ ల మధ్య కూడా బాక్సాఫీస్ వార్ తప్పేలా లేదని తెలుస్తోంది.
వరుణ్ తేజ్ బాక్సర్ గా నటించిన చిత్రం గని జూలై 30న రాబోతున్నట్లు చాలా రోజుల క్రితమే క్లారిటీ ఇవ్వడం జరిగింది. అయితే అదే తేదీన ప్రభాస్ రాధేశ్యామ్ కూడా రావడానికి సిద్ధమైంది. వీలైనంత వరకు రెండు సినిమాలను ఒకే రోజు రిలీజ్ చేసుకోవద్దనే ఫార్మాట్ లోనే వచ్చారు కొందరు స్టార్స్. నాగ చైతన్య లవ్ స్టొరీ కోసం నాని టక్ జగదీష్ ను వాయిదా వేసుకున్నాడు. ఇక బాలకృష్ణ BB3కోసం రబితేజ కూడా పోటీ వద్దని ఖిలాడి సినిమాను కొంచెం గ్యాప్ తరువాత తెచ్చేందుకు ప్రయత్నం చేస్తున్నాడు.
కానీ ప్రభాస్, వరుణ్ తేజ్ ఇంతవరకు ఎలాంటి నిర్ణయం తీసుకోలేదు. రాధేశ్యామ్ పాన్ ఇండియా కాబట్టి ఈ పోటీ నుంచి గని తప్పుకోవచ్చు అనే టాక్ వస్తోంది. కానీ ఆగస్టులో పుష్ప రానుంది. దీంతో జూలై 30న వరుణ్ తేజ్ గని తోనే సై అనేలా ఉన్నాడని మరో టాక్ వస్తోంది. చూడాలి మరి ఏం జరుగుతుందో..
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
