మెగాహీరో వరుణ్ తేజ్ చివరిగా ‘ఎఫ్3’ సినిమాతో ప్రేక్షకుల ముందుకు వచ్చారు. ఈ సినిమా కమర్షియల్ గా వర్కవుట్ అయినప్పటికీ.. ఆశించిన స్థాయిలో జనాలను నవ్వించలేకపోయింది. ఈ సినిమా తరువాత ప్రవీణ్ సత్తారు దర్శకత్వంలో ఓ సినిమా చేయాల్సింది వరుణ్ తేజ్. కానీ పట్టాలెక్కడం లేదు. ప్రస్తుతానికి ఈ సినిమాను హోల్డ్ లో పెట్టారని టాక్. త్వరలోనే దీనిపై క్లారిటీ రానుంది. ఇదిలా ఉండగా.. ఇప్పుడు వరుణ్ తేజ్ మరో డైరెక్టర్ తో కలిసి పని చేయడానికి రెడీ అవుతున్నట్లు సమాచారం. ఇటీవల ‘కార్తికేయ2’ సినిమాతో భారీ విజయాన్ని అందుకున్నారు దర్శకుడు చందు మొండేటి.
నిజానికి ఆయన తీసిన ‘సవ్యసాచి’ సినిమా ఫ్లాప్ అవ్వడంతో మరో సినిమా అవకాశం రావడానికి చాలా సమయం పట్టింది. తనకు క్రేజీ హిట్టిచ్చిన ‘కార్తికేయ’ సినిమాకి సీక్వెల్ తీసి తన సత్తా చాటుకున్నారు చందు మొండేటి. ఇప్పుడు ఈ దర్శకుడితో సినిమాలు చేయడానికి ఆసక్తి చూపిస్తున్నారు హీరోలు. ఇలాటి డైరెక్టర్స్ ను లాక్ చేయడంలో ముందుండే గీతాఆర్ట్స్ సంస్థ చందు మొండేటితో డీల్ కుదుర్చుకుందట. వరుణ్ తేజ్ హీరోగా చందు మొండేటి దర్శకత్వంలో సినిమా నిర్మించాలని భావిస్తున్నారు గీతాఆర్ట్స్ నిర్మాతలు.
ఇదివరకు వరుణ్ తేజ్ హీరోగా ‘గని’ అనే సినిమాను నిర్మించారు. సినిమా కోసం వరుణ్ ఎంతగా కష్టపడినా.. వర్కవుట్ కాలేదు. అందుకే ఈసారి వరుణ్ కి మంచి హిట్ ఇవ్వాలని భావిస్తోంది గీతాఆర్ట్స్ సంస్థ. ఈ క్రమంలో చందు మొండేటితో సినిమా ప్లాన్ చేసింది. ప్రస్తుతానికి చందు మొండేటి ‘కార్తికేయ 2’ సక్సెస్ ను ఎంజాయ్ చేస్తున్నారు. బాలీవుడ్ లో కూడా ఈ సినిమాకి హిట్ టాక్ రావడంతో చిత్రయూనిట్ సంబరపడిపోతుంది. మరి ఈ హిట్ ట్రాక్ ను చందు మొండేటి కంటిన్యూ చేస్తారేమో చూడాలి!
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
