మెగాస్టార్ చిరంజీవికి ప్రేక్షకుల్లో ఏ స్థాయిలో క్రేజ్ ఉందో, ఫ్యాన్ ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. అయితే చిరంజీవి ఎంత ఎదిగినా ఒదిగి ఉంటారనే సంగతి తెలిసిందే. చిరంజీవి బాబీ కాంబినేషన్ లో తెరకెక్కిన వాల్తేరు వీరయ్య మూవీ బాక్సాఫీస్ వద్ద సంచలన విజయాన్ని సొంతం చేసుకుంది. ఈ సినిమా నిర్మాతలకు సైతం ఊహించని స్థాయిలో లాభాలను అందించింది. అయితే తాజాగా చిరంజీవి బాలయ్య బాబీ మూవీ గురించి ప్రస్తావిస్తూ ఆసక్తికర వ్యాఖ్యలు చేయగా ఆ వ్యాఖ్యలు నెట్టింట తెగ వైరల్ అవుతున్నాయి.
బాబీ మాట్లాడుతూ బాలయ్యతో సినిమాను మొదలుపెట్టిన సమయంలో చిరంజీవి (Chiranjeevi) కాల్ చేశారని కాల్ లో ఆల్ ది బెస్ట్ చెప్పడంతో పాటు బాలయ్యతో తీసే సినిమా వాల్తేరు వీరయ్య కంటే పెద్ద బ్లాక్ బస్టర్ కావాలని కామెంట్ చేశారని బాబీ చెప్పుకొచ్చారు. చిరంజీవి గ్రేట్ అంటూ ఈ విషయాల గురించి నెటిజన్ల నుంచి కామెంట్లు వినిపిస్తున్నాయి. బాబీ ప్రస్తుతం బాలయ్య మూవీ షూటింగ్ పనులతో బిజీగా ఉండగా ఈ సినిమా షూటింగ్ శరవేగంగా జరుగుతోంది.
టైటిల్ కు సంబంధించిన ప్రకటనతో ఈ సినిమా ప్రమోషన్స్ మొదలయ్యే అవకాశం అయితే ఉందని సమాచారం అందుతోంది. బాబీ ఈ సినిమాకు భారీ రేంజ్ లో రెమ్యునరేషన్ అందుకున్నారు. ఒకప్పుడు 500 రూపాయల జీతంతో కెరీర్ ను మొదలుపెట్టిన బాబీ ఒక్కో మెట్టు ఎదుగుతూ ఈ స్థాయికి చేరుకున్నారు.
బాలయ్య, బాబీ కాంబో మూవీ ఇతర భాషల్లో సైతం విడుదల కానుందని ప్రచారం జరుగుతుండగా మేకర్స్ నుంచి క్లారిటీ రావాల్సి ఉంది. సితార నిర్మాతలు ఈ సినిమా ప్రమోషన్స్ ను ఎప్పటినుంచి మొదలుపెడతారో చూడాలి. ఈ మూవీ రిలీజ్ గురించి వేర్వేరు వార్తలు ప్రచారంలోకి వస్తున్నాయి. ఈ సినిమాపై ఊహించని రేంజ్ లో అంచనాలు పెరుగుతున్నాయి.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
