మెగాస్టార్ చిరంజీవి ఆరు పదుల వయసులో కూడా తన స్పీడ్ ను ఏ మాత్రం తగ్గించడం లేదు. ఇప్పుడున్న యువ హీరోలకంటే వేగంగా సినిమాలు చేసుకుంటూ వెళుతున్న చిరంజీవి మరో కొత్త సినిమా యొక్క లాంచ్ డేట్ ను ఫిక్స్ చేసుకున్నట్లు తెలుస్తోంది. ప్రస్తుతం ఆయన ఆచార్య సినిమాతో బిజీగా ఉన్న విషయం తెలిసిందే. కొరటాల శివ దర్శకత్వంలో తెరకెక్కుతున్న ఆ సినిమా షూటింగ్ తుది దశకు చేరుకుంటోంది. ఇక మెగాస్టార్ ఆచార్య అనంతరం మలయాళం రీమేక్ లూసిఫర్ తో బిజీ కానున్న విషయం తెలిసిందే.
ఇక ఫైనల్ గా ఆ సినిమాను సెట్స్ పైకి తేవడానికి లాంచ్ ఈవెంట్ కు రెడీ అయ్యారు. జనవరి 21న పూజా కార్యక్రమాలతో సినిమా అసలు పనులను మొదలు పెట్టాలని డిసైడ్ అయ్యారు. మొదట ఈ సినిమాను డైరెక్ట్ చేసే ఛాన్స్ సుజిత్ కు ఇచ్చినప్పటికీ అతను మధ్యలోనే డ్రాప్ అయిన విషయం తెలిసిందే. ఇక తమిళ్ దర్శకుడు మోహన్ రాజాను సినిమాకు డైరెక్టర్ రా సెట్ చేశారు. మలయాళంలో మోహన్ లాల్, పృథ్వి రాజ్ నటించిన లూసిఫర్ బాక్సాఫీస్ వద్ద భారీ వసూళ్లను అందుకుంది.
ఇక మెగాస్టార్ మోహన్ లాల్ పాత్రలో నటిస్తుండగా పృథ్వి రాజ్ పాత్రలో యువ హీరో సత్యదేవ్ నటించే అవకాశం ఉన్నట్లు తెలుస్తోంది. సినిమాకు సంబంధించిన స్క్రిప్ట్ పనులు దాదాపు పూర్తయ్యాయి. ఇక సినిమాకు సంబంధించిన నటీనటులను కూడా త్వరలోనే ఫైనల్ చేసేందుకు రెడీ అవుతున్నారు. ఈ ఏడాది ఏండింగ్ లోనే సినిమాను ప్రేక్షకుల ముందుకు తీసుకురావాలని మెగాస్టార్ ప్లాన్ చేసుకున్నట్లు సమాచారం.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
