హీరోయిన్ల విషయంలో నటులు కామెంట్స్‌ చేయడం కొత్తేమీ కాదు. గతంలో టాలీవుడ్‌లో కొంతమంది కమెడియన్లు ఇలా చేశారు. అప్పుడు ఎంత చర్చ జరిగిందో మనందరికీ తెలిసిందే. ఇప్పుడు ఈ సంగతి ఎందుకు అనుకుంటున్నారా? మరోసారి లాంటి ఘటనే జరిగింది. అయితే ఈసారి మన దగ్గర కాదు, తమిళ ఇండస్ట్రీలో జరిగింది. అయితే అక్కడ మాటలు పడింది మాత్రం మనకు తెలిసిన హీరోయినే. హన్సికపై తమిళ కమెడియన్ రోబో శంకర్ చేసిన అనుచిత వ్యాఖ్యలే తాజా వివాదానికి కారణం.
ఇటీవల చెన్నైలో జరిగిన ‘పార్ట్‌నర్’ సినిమా ప్రెస్ మీట్‌లో హన్సికను ఉద్దేశించి రోబో శంకర్ కొన్ని కామెంట్లు చేశాడు. ఆమె మైనపు బొమ్మ అని, శరీరం మైదా పిండిలా ఉంటుందని రకరకాల కామెంట్లు చేశాడు. అయితే రోబో శంకర్ వ్యాఖ్యలను అదే కార్యక్రమంలో పాల్గొన్న ఓ జర్నలిస్ట్ తప్పుబట్టాడు. ఇలాంటి వ్యక్తులకు ఈవెంట్లలో మాట్లాడే అవకాశం ఇవ్వకూడదు అని ఘాటుగానే అన్నారు. అసలు ఏమైందంటే… ‘పార్ట్‌నర్’ సినిమాలో హన్సికతో కలసి నటించినప్పుడు జరిగిన చర్చ గురించి రోబో శంకర్ అక్కడ మాట్లాడాడు.
సినిమాలో ఓ సీన్‌లో నేను హన్సిక (Hansika) మోకాలి కింద చేతితో కొట్టాలి అని.. అయితే దానికి హన్సిక అంగీకరించలేదని చెప్పాడు. ఆఖరికి ఆమె పాదాల వద్ద పడి కనీసం కాలి వేలైనా తాకాలని చూశాం. దానికీ ఆమె ఒప్పుకోలేదు. కేవలం హీరోతో మాత్రమే అలాంటి సన్నివేశాల్లో పాల్గొంటానని చెప్పింది అంటూ ఆ రోజు జరిగినవి చెప్పాడు.
అయితే, అదే కార్యక్రమంలో పాల్గొన్న మరో నటుడు జాన్ విజయ్ చిత్ర బృందం తరఫున క్షమాపణలు చెప్పారు. చిత్రీకరణ జరిగినప్పుడు ఒక సీన్ విషయంలో ఏం జరిగిందో రోబో శంకర్ వివరించాడని, అయితే అది సక్రమంగా సాగలేదని అన్నాడు. కానీ వేడి సోషల్ మీడియాలో ఆ వేడి రాజుకుంది. రోబో శంకర్ వ్యాఖ్యలు తప్పుబడుతూ ట్వీట్లు వస్తున్నాయి. మరి ఈ విషయం ఎక్కడి వరకు వెళ్తుందో చూడాలి.
రంగబలి సినిమా రివ్యూ & రేటింగ్!
రుద్రంగి సినిమా రివ్యూ & రేటింగ్!
18 స్టార్ హీరోయిన్ల చిన్ననాటి రేర్‌ ఫోటోలు వైరల్!
