చిరంజీవి కొరటాల కాంబినేషన్ వస్తున్న చిత్రంపై అంచనాలు మాములుగా లేవు. దాదాపు ఏడాదిన్నర ఈ సినిమా కోసం దర్శకుడు కొరటాల శివ ఎదురుచూశారు. అలాగే ఆసక్తికరమైన సోషల్ బర్నింగ్ ఇష్యూ ని డిస్కస్ చేస్తూ కమర్షియల్ ఎలిమెంట్స్ తో మంచి స్క్రిప్ట్ సిద్ధం చేశారని తెలుస్తుంది. ప్రతి విషయంలో అనేక జాగ్రత్తలు తీసుకుంటున్న కొరటాల మ్యూజిక్ కూడా అద్భుతంగా ఉండేలా ప్రణాళిక వేస్తున్నారు. ఈ సినిమా మ్యూజిక్ సిట్టింగ్స్ కొరకు మణిశర్మ తో కలిసి కొరటాల థాయిలాండ్ వెళ్లారు. కాగా ఈ చిత్రం గురించి మరో ఆసక్తి వార్త బయటికి వచ్చింది.
చిరు 152కోసం 20కోట్లతో ఓ భారీ సెట్ ఏర్పాటు చేస్తున్నారట. ఒక కాలనీ మరియు అందులో ఒక టెంపుల్ ఉండేలా పెద్ద సెట్ ఒకటి నిర్మిస్తున్నారని సమాచారం. అలాగే ఈ సెట్ లోనే దాదాపు 60శాతం షూటింగ్ నిర్వహించనున్నారని తెలుస్తుంది. నిర్మాత రామ్ చరణ్ ఖర్చు విషయంలో ఎటువంటి కాంప్రమైజ్ కాకుండా భారీగా నిర్మిస్తున్నాడని తెలుస్తుంది. కొణిదెల ప్రొడక్షన్స్ బ్యానర్ పై రాంచరమ్ ఈ చిత్రాన్ని స్వయంగా నిర్మిస్తున్న సంగతి తెలిసిందే. ఇంత వరకు అపజయం ఎరుగని దర్శకుడిగా ఉన్న కొరటాల శివ, చిరంజీవికి ఓ బ్లాక్ బస్టర్ హిట్ ఇవ్వడం ఖాయమని టాలీవుడ్ టాక్. మరి కొరటాల మెగాస్టార్ ని ఏ రేంజ్ లో తెరపై ప్రెజెంట్ చేయనున్నాడో చూడాలి.
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
