ప్రస్తుతం టాలీవుడ్ ఇండస్ట్రీలో ఒక్కొక్క హీరో పెళ్లి చేసుకుని కొత్త జీవితంలోకి అడుగుపెడుతున్నారు. ఇప్పటికే వరుణ్ తేజ్ వివాహం జరగగా త్వరలోనే మరొక టాలీవుడ్ హీరో పెళ్లి చేసుకోబోతున్నారు. దిల్ రాజు వారసుడిగా ఇండస్ట్రీలోకి వచ్చినటువంటి ఆశిష్ రెడ్డి కూడా ఇదివరకే నిశ్చితార్థం జరుపుకున్నారు.ఇక ఈయన కూడా త్వరలోనే పెళ్లి పీటలు ఎక్కబోతున్నారు ఇకపోతే దగ్గుబాటి వారసుడిగా అహింస సినిమా ద్వారా ప్రేక్షకుల ముందుకు వచ్చినటువంటి అభిరామ్ కూడా త్వరలోనే పెళ్లి చేసుకోబోతున్నారని తెలుస్తోంది.
అభిరామ్ తమ సమీప బంధువు అమ్మాయితో ఏడడుగులు నడవబోతున్నారంటే ఇదివరకు వార్తలు వచ్చాయి. అయితే ఇప్పటివరకు ఈ పెళ్లి గురించి ఎక్కడ అధికారక ప్రకటన లేదు కానీ ఈయన పెళ్లి ఏర్పాట్లు మాత్రం జరుగుతున్నాయని తెలుస్తుంది. డిసెంబర్ 6వ తేదీ అభి రామ్ పెళ్లి చేసుకోబోతున్నారని అయితే ఈయన వివాహం శ్రీలంకలో జరగబోతుందని తెలుస్తోంది. ఇప్పటికే ఈ వివాహ వేడుకకు సంబంధించిన ఏర్పాట్లు అన్నీ కూడా పూర్తి అయ్యాయట.
సోమవారం సాయంత్రం నుంచి అభిరామ్ ప్రీ వెడ్డింగ్ సెలబ్రేషన్స్ మొదలుకానున్నాయని తెలుస్తుంది. ఘనంగా పార్టీతో మొదలైనటువంటి ఈ పెళ్లి వేడుకలు అనంతరం సంగీత్ మెహంది వంటి కార్యక్రమాలు జరగబోతున్నాయని బుధవారం ఉదయం హల్దీ వేడుక బుధవారం రాత్రి 8 గంటలకు వివాహం జరగబోతుందని సమాచారం. ఇక ఈ పెళ్లి వేడుకకు సుమారు 200 మంది వరకు అత్యంత సన్నిహితులు కుటుంబ సభ్యులు హాజరుకానున్నారట.
ఇక అభిరామ్ (Daggubati Abhiram) ప్రత్యూష చపరాల వివాహం శ్రీలంకలోని ఫైవ్ స్టార్ రిసార్ట్ అయిన అనంతర కలుతారాలో ఈ వేడుకలు జరగబోతున్నాయి. ఈ వివాహ వేడుకకు కుటుంబ సభ్యుల హాజరుకాగా వివాహం జరిగిన వెంటనే హైదరాబాద్ చేరుకొని పెద్ద ఎత్తున టాలీవుడ్ సెలబ్రిటీలు రాజకీయ నాయకుల సమక్షంలో వీరి వివాహా రిసెప్షన్ వేడుక జరగబోతుందని తెలుస్తుంది.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
