పాన్ ఇండియా స్టార్ ప్రభాస్ (Prabhas) గురించి చాలా మంది గొప్పగా చెప్పారు. ‘బాహుబలి’ (Baahubali) రాక ముందు నుండీ ప్రభాస్ గురించి గొప్పగా చెప్పిన వారి సంఖ్య ఎక్కువే. అందులో పద్మశ్రీ బ్రహ్మానందం (Brahmanandam) నుండి ఐకాన్ స్టార్ అల్లు అర్జున్ (Allu Arjun) వరకు చాలా మంది స్టార్స్ ఉన్నారు. ప్రభాస్ తన సినిమాల్లో నటించే వాళ్ళ కోసం ఇంటి నుండి ప్రత్యేకంగా భోజనం తెప్పిస్తారు.. అందులో ఎన్నో రకాల వెరైటీలు ఉంటాయి అని అమితాబ్ (Amitabh Bachchan) , పృథ్వీరాజ్ సుకుమారన్ (Prithviraj Sukumaran) వంటి వారు చెప్పుకొచ్చారు.
తాజాగా ఓ సీనియర్ నటి అయితే ‘వచ్చే జన్మలో ప్రభాస్ వంటి కొడుకు కావాలి’ అంటూ చెప్పడం హాట్ టాపిక్ అయ్యింది. ఆ సీనియర్ నటి మరెవరో కాదు జరీనా వహాబ్ (Zarina Wahab). ఇటీవల వచ్చిన ‘దేవర’ (Devara) లో పెద్ద ఎన్టీఆర్ కి తల్లిగా చేసింది ఈమె. ఎక్కువగా హిందీ సినిమాల్లో నటించినప్పటికీ.. ఆమె తెలుగు అమ్మాయే అని చాలా మందికి తెలీదు. అవును ఈమె ఆంధ్రాలోని వైజాగ్ కి చెందిన వ్యక్తి. ప్రస్తుతం ప్రభాస్ తో ‘ది రాజాసాబ్’ (The Rajasaab) సినిమాలో నటిస్తుంది.
ప్రభాస్ అతిధి మర్యాదలకి ఈమె ఫిదా అయిపోయినట్టు ఉంది.. దీంతో ఈ విధంగా చెప్పుకొచ్చింది. జరీనా మాట్లాడుతూ.. “ప్రభాస్ లాంటి వ్యక్తి మంచి వ్యక్తిని నేను ఇప్పటివరకు చూడలేదు. ప్రభాస్ లా నాకు తెలిసి ఎవ్వరూ లేరు. వచ్చే జన్మంటూ ఉంటే నాకు ఇద్దరు కొడుకులు కావాలి. ఒకళ్ళు నా కొడుకు సురాజ్, ఇంకొకరు ప్రభాస్.షూటింగ్ సెట్స్ లో ప్రభాస్ ఎలాంటి అహం ప్రదర్శించలేదు.
షూటింగ్ కి ప్యాకప్ చెప్పక ప్రతి ఒక్కరినీ కలిసి గుడ్ బై చెబితేనే కానీ అక్కడి నుండి వెళ్ళడు. రోజుకి అతను 30- 40 మందికి సరిపడే భోజనం తెప్పిస్తాడు. ఇలా ప్రభాస్ లో ఎన్నో గొప్ప క్వాలిటీస్ ఉన్నాయి. అతని గురించి వర్ణించాలంటే టైం, మాటలు వంటివి సరిపోవు. ప్రభాస్ కి మంచి ఆరోగ్యం ,నిండు జీవితం ఆ అల్లా ఇస్తాడని.. ఇవ్వాలని కోరుకుంటున్నాను” అంటూ చెప్పుకొచ్చారు.
‘I Want A Son Like #Prabhas In My next life ’ – Zarina Wahab about Rebelstar ❤️ #TheRajaSaab #zarinawahab @PrabhasRaju @TrendsPrabhas #RajaSaab pic.twitter.com/Bs0gXhSToq
— Phani Kumar (@phanikumar2809) November 27, 2024
