స్టార్ హీరో నాగార్జున నటించిన బంగార్రాజు సినిమాపై భారీస్థాయిలో అంచనాలు ఏర్పడ్డాయి. సోగ్గాడే చిన్నినాయన సినిమాకు ఈ సినిమా కొనసాగింపు కావడంతో ఆ సినిమా నచ్చిన ప్రేక్షకులు ఈ సినిమా కోసం ఆసక్తిగా ఎదురుచూస్తున్నారు. సంక్రాంతి రేసు నుంచి పెద్ద సినిమాలు తప్పుకోవడంతో ఈ సినిమాకు సులభంగానే థియేటర్లు దొరుకుతాయని అందరూ భావించారు. అయితే వైజాగ్ ఏరియాలో మాత్రం దిల్ రాజు ఎక్కువ కలెక్షన్లు వచ్చే థియేటర్లు రౌడీ బాయ్స్ మూవీకి కేటాయించేలా ఒప్పందాలు కుదుర్చుకుంటున్నారని సమాచారం.
వైజాగ్ లో దిల్ రాజు చేతిలో కొన్ని థియేటర్లు ఉన్నాయి. కొన్ని థియేటర్ల ఓనర్లతో దిల్ రాజుకు అగ్రిమెంట్లు ఉన్నాయి. ఆర్ఆర్ఆర్, రాధేశ్యామ్ సినిమాలు పోస్ట్ పోన్ కావడంతో ఆ సినిమాల కోసం కేటాయించిన థియేటర్లలో కుదిరితే రౌడీ బాయ్స్ లేదా ఇప్పటికే విడుదలైన సినిమాలు ప్రదర్శించేలా దిల్ రాజు అడుగులు వేస్తున్నారని తెలుస్తోంది. బంగార్రాజు, రౌడీ బాయ్స్ ఎంట్రీతో పుష్ప, శ్యామ్ సింగరాయ్ సినిమాల థియేట్రికల్ రన్ ఈ నెల 13వ తేదీతో దాదాపుగా పూర్తి కానుంది.
ఎగ్జిబిటర్లు దిల్ రాజు మాట కాదని మరో సినిమాకు థియేటర్లను కేటాయిస్తే భవిష్యత్తులో దిల్ రాజు కొనుగోలు చేసిన సినిమాలను ప్రదర్శించటానికి ఇబ్బందులు ఎదురవుతాయని భావిస్తున్నారు. నైజాంలో కూడా దిల్ రాజు చేతిలో ఉన్న థియేటర్లలో రౌడీ బాయ్స్ మూవీ ప్రదర్శితం కానుంది. రికార్డు స్థాయిలో థియేటర్లలో ఈ సినిమా రిలీజ్ కానుంది. శిరీష్ కొడుకు అశిష్ కు ఈ సినిమాతో సక్సెస్ ఇవ్వాలని దిల్ రాజు పట్టుదలతో ఉన్నారు.
అయితే రౌడీ బాయ్స్ అంచనాలను మించి సక్సెస్ సాధిస్తుందో లేదో చూడాల్సి ఉంది. బంగార్రాజు సినిమాకు దిల్ రాజు టెన్షన్ అని నెటిజన్లు సోషల్ మీడియాలో కామెంట్లు చేస్తున్నారు. సంక్రాంతికి రిలీజవుతున్న ఈ సినిమాలు ఏ స్థాయిలో కలెక్షన్లు సాధిస్తాయో చూడాలి. ఫ్యామిలీ ఆడియెన్స్ మాత్రం బంగార్రాజు సినిమా కొరకు ఆసక్తిగా ఎదురుచూస్తున్నారు. బంగార్రాజు సినిమాలో ఎనిమిది మంది హీరోయిన్లు నటించడం గమనార్హం.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
