టాలీవుడ్ ఇండస్ట్రీలోని ప్రముఖ దర్శకులలో ఒకరైన బాబీ ప్రస్తుతం వరుసగా క్రేజీ ప్రాజెక్ట్ లతో బిజీగా ఉన్నారు. ఎన్టీఆర్, చిరంజీవి, పవన్, వెంకటేశ్, రవితేజ లాంటి స్టార్ హీరోలతో పని చేసిన బాబీ ప్రస్తుతం బాలయ్య సినిమాతో బిజీగా ఉన్నారు. జయాపజయాలతో సంబంధం లేకుండా బాబీ వరుస సినిమాలతో కెరీర్ పరంగా బిజీగా ఉన్న సంగతి తెలిసిందే. తాజాగా ఒక ఇంటర్వ్యూలో బాబీ మాట్లాడుతూ షాకింగ్ విషయాలను చెప్పుకొచ్చారు.
వెంకీమామ సినిమా పూర్తైన తర్వాత చిరంజీవి నుంచి పిలుపు వచ్చిందని బాబీ పేర్కొన్నారు. ఆచార్య షూటింగ్ లో ఉన్న చిరంజీవి గారిని నేను కలిశానని బాబీ కామెంట్లు చేశారు. ఆ సమయంలో చిరంజీవి లూసిఫర్ సినిమా చూశావా అని అడిగారని ఆయన చెప్పుకొచ్చారు. లూసిఫర్ రీమేక్ నువ్వు బాగా చేస్తావనిపించిందని చిరంజీవి అన్నారని సినిమా చూసి ఒపీనియన్ చెప్పాలని చిరంజీవి కోరారని బాబీ పేర్కొన్నారు.
లూసిఫర్ సినిమాను చాలాసార్లు చూసినా ఆ సినిమా నాకు కనెక్ట్ కాలేదని బాబీ చెప్పుకొచ్చారు. సర్దార్ గబ్బర్ సింగ్ నేను రాసిన కథ కాకపోవడం వల్ల ఆ సినిమా ఆశించిన రేంజ్ లో సక్సెస్ కాలేదని బాబీ కామెంట్లు చేశారు. ఆ తర్వాత వేరే వాళ్ల కథలతో సినిమాలు చేయకూడదని ఫీలయ్యానని బాబీ పేర్కొన్నారు. వెంకీమామ కూడా బలవంతంగా చేశానని ఆయన కామెంట్లు చేశారు.
లూసిఫర్ రీమేక్ కు నో చెప్పడానికి నరకం అనుభవించానని వేరొకరి కథలో మార్పులుచేర్పులు చేయలేనని చిరంజీవికి నేను చెప్పానని ఆయన పేర్కొన్నారు. నేను చూసిన మాస్ లూసిఫర్ కథలో కనిపించలేదని బాబీ చెప్పుకొచ్చారు. ఆ తర్వాత 20 రోజుల టైమ్ తీసుకుని వాల్తేరు వీరయ్య కథ చెప్పి చిరంజీవిని ఒప్పించానని బాబీ (Director Bobby) అన్నారు. బాలయ్య సినిమాతో బాబీ ఏ రేంజ్ బ్లాక్ బస్టర్ హిట్ ను సొంతం చేసుకుంటారో చూడాలి.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
