టాలీవుడ్ మాస్ డైరెక్టర్స్ లిస్ట్ లో రాజమౌళి, వినాయక్ ల తరువాత బోయపాటి శ్రీను కూడా ఉంటారు అనడంలో సందేహం లేదు. ‘భద్ర’ ‘తులసి’ వంటి హిట్లతో పాటు ‘సింహా’ ‘లెజెండ్’ ‘సరైనోడు’ వంటి బ్లాక్ బస్టర్లు కూడా ఈయన ఖాతాలో ఉన్నాయి. ఈయన సినిమాల్లో అదిరిపోయే యాక్షన్ ఎపిసోడ్స్ ఉంటాయి. భారీతనం కనిపిస్తుంది. మంచి కమర్షియల్ సినిమా చూడాలి అనుకున్న ప్రతీ ఒక్కరికి బోయపాటి తెరకెక్కించే సినిమాలు ఫుల్ ఫీస్ట్ ను ఇస్తాయి అనడంలో సందేహం లేదు.
ఈయనతో ఏ హీరో వర్క్ చేసినా.. వాళ్ళ ఫ్యాన్స్ కు బోలెడన్ని మాస్ ఎలిమెంట్స్ ను పంచుతుంటాడు బోయపాటి శ్రీను. ప్రస్తుతం బాలకృష్ణ తో మూడో చిత్రాన్ని తెరకెక్కిస్తున్నాడు బోయపాటి. ఈ చిత్రానికి ‘టార్చ్ బేర్రర్’ అనే టైటిల్ ను పరిశీలిస్తున్నట్టు సమాచారం. ఇప్పటికే విడుదల చేసిన టీజర్ కు కూడా మంచి స్పందన లభించింది. సరే ఈ విషయాలన్నీ పక్కన పెట్టేస్తే.. ఓ విషయంలో రాజమౌళికి కూడా సాధ్యం కాని రికార్డు బోయపాటి సొంతం చేసుకున్నాడట.
ఇటీవల తెలుగు సినిమాల్ని డబ్బింగ్ చేసి యూట్యూబ్ లో విడుదల చేస్తున్న సంగతి తెలిసిందే. వాటికి 100 మిలియన్ల పైనే వ్యూస్ నమోదవుతున్నాయి. ఈ క్రమంలో బోయపాటి డైరెక్షన్లో వచ్చిన ‘సరైనోడు’ ‘జయ జానకి నాయకా’ చిత్రాలు 300 మిలియన్ల పైనే వ్యూస్ ను నమోదుచేసి రికార్డు సృష్టించాయి. రాజమౌళి సినిమాలకు కూడా ఇంత అరుదైన రికార్డు దక్కకపోవడం.. బోయపాటి శ్రీను సినిమాలకే ఇలా జరగడం విశేషం.
Most Recommended Video
వి సినిమా రివ్యూ & రేటింగ్!
టాలీవుడ్ హీరోయిన్స్ రెమ్యూనరేషన్స్ లిస్ట్…!
ఆ చిత్రాలు పవన్ చేసి ఉంటే బాక్సాఫీస్ బద్దలు అయ్యేది..!
