క్రిష్ దర్శకత్వంలో పవన్ కళ్యాణ్ హీరోగా హరిహర వీరమల్లు సినిమా తెరకెక్కుతున్న సంగతి తెలిసిందే. ఒక్క సీన్ మినహా ఫస్ట్ హాఫ్ షూటింగ్ పూర్తైన ఈ సినిమా వచ్చే ఏడాది ఏప్రిల్ 29వ తేదీన రిలీజ్ కానుంది. దాదాపు 200 కోట్ల రూపాయల భారీ బడ్జెట్ తో తెరకెక్కుతున్న ఈ సినిమాకు సంబంధించి క్రిష్ ఆసక్తికర విషయాలను వెల్లడించారు. హిస్టారికల్ బ్యాక్ డ్రాప్ తో తెరకెక్కుతున్న ఈ సినిమాపై ఫస్ట్ టీజర్ తో అంచనాలు భారీగా పెరిగాయి.
ప్రభాస్ కెరీర్ లో బాహుబలి సినిమాలా పవన్ కెరీర్ లో హరిహర వీరమల్లు నిలుస్తుందని ఫ్యాన్స్ భావిస్తున్నారు. క్రిష్ తాజాగా ఒక ఇంటర్వ్యూలో మాట్లాడుతూ ఈ సినిమాకు సంబంధించి ఆసక్తికర విషయాలను చెప్పుకొచ్చారు. ఇప్పటివరకు తెలుగులో హరిహర వీరమల్లు లాంటి సినిమా రాలేదని క్రిష్ అన్నారు. చరిత్రకు సంబంధించిన ఉదంతాలు, పాత్రలను తీసుకొని ఈ సినిమాను తెరకెక్కించానని క్రిష్ చెప్పుకొచ్చారు. షూటింగ్ సమయంలో పవన్ కళ్యాణ్ ను వీరమల్లు పాత్రలో చూసిన సమయంలో తాను ఎగ్జైట్ అయ్యానని క్రిష్ కామెంట్లు చేశారు.
త్వరలోనే ఈ సినిమా రెండో షెడ్యూల్ షూటింగ్ ను మొదలుపెడతామని క్రిష్ చెప్పుకొచ్చారు. క్రిష్ దర్శకత్వంలో తెరకెక్కిన కొండపొలం సినిమా రేపు థియేటర్లలో రిలీజ్ కానుంది. ఈ సినిమా ప్రమోషన్స్ లో భాగంగా దర్శకుడు క్రిష్ ఈ విషయాలను వెల్లడించడం గమనార్హం. కొండపొలం సినిమాతో క్రిష్ వైష్ణవ్ తేజ్ కు బ్లాక్ బస్టర్ హిట్ ఇస్తారో లేదో చూడాల్సి ఉంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
