2019 చివర్లో వచ్చి బ్లాక్ బస్టర్ హిట్ అందుకున్నాడు దర్శకుడు మారుతీ. సాయి ధరమ్ హీరోగా ఆయన తెరకెక్కించిన ప్రతిరోజూ పండుగే విడులై రెండువారాలు అవుతున్న స్టడీ కలెక్షన్స్ సాధిస్తూ ముందుకు వెళుతుంది . హీరో సాయి ధరమ్ కెరీర్ లోనే హైయెస్ట్ గ్రాసింగ్ సాధించిన చిత్రంగా నిలిచింది. కాగా ఈ యూత్ ఫుల్ ఎంటర్టైనింగ్ చిత్రాల దర్శకుడు మారుతికి ఓ బంపర్ ఆఫర్ వచ్చిందని తెలుస్తుంది. ఆయన ఏకంగా మహేష్ తో మూవీ చేసే అవకాశం దక్కించుకున్నారని జరుగుతున్న ప్రచారం.
మహేష్ గీతా ఆర్ట్స్ బ్యానర్ లో ఓ మూవీ చేయనున్నారని ఎప్పటి నుండో వార్తలు వస్తున్నాయి. గీత గోవిందం దర్శకుడు పరుశురాం ఈ చిత్రం చేస్తారని అప్పట్లో ప్రచారం జరిగింది. ఐతే చాలా కాలం ఎదురుచూసిన పరుశురాం నాగ చైతన్యతో కమిట్ అయ్యారు. తాజాగా మారుతీ గీతా ఆర్ట్స్ బ్యానర్ లో మహేష్ తో మూవీ చేయనున్నారంటూ ప్రచారం జరుగుతుంది.
మరో వైపు గత ఏడాది మహేష్ కి మహర్షి వంటి సూపర్ హిట్ ఇచ్చిన దర్శకుడు వంశీ పైడిపల్లితో మూవీ చేస్తున్నారని సమాచారం. దర్శకుడు వంశీ పైడిపల్లి ఈ విషయాన్ని కొద్దిరోజుల క్రితం అనధికారికంగా ధృవీకరించారు. వీరిద్దరి మధ్య కొనసాగుతున్న సాన్నిహిత్యం రీత్యా వంశీ పైడిపల్లితో మహేష్ తన తదుపరి చిత్రం చేశే అవకాశాలు చాలా ఎక్కువుగా ఉన్నాయి. ఒకవేళ మారుతితో మహేష్ మూవీ చేసినప్పటికీ అది వంశీ చిత్రం తరువాత ఉండే అవకాశం కలదు. ఒక వేళ నిజంగా మహేష్ తో మూవీ చేసే అవకాశం మారుతి కి దక్కితే ఆయన దశ తిరిగినట్లే.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
