కరోనా ఇప్పుడు సామాన్యులను మాత్రమే కాదు సినిమా సెలబ్రిటీలను కూడా విడచి పెట్టడం లేదు. మొన్నటికి మొన్న టాలీవుడ్ దర్శకుడు రాజమౌళికి కరోనా రావడంతో అంతా షాక్ కు గురయ్యారు. ఇప్పుడు మరో డైరెక్టర్ కూడా కరోనా భారిన పడినట్టు తెలుస్తుంది. వివరాల్లోకి వెళితే.. టాలీవుడ్ దర్శకుడు తేజకు కరోనా పాజిటివ్ అని తేలినట్టు సమాచారం. దాంతో ఈయన హోమ్ క్వారంటైన్ కు వెళ్లిపోయారట. గతేడాది ‘సీత’ చిత్రం తెరకెక్కించిన తేజ..
ఆ చిత్రం అట్టర్ ప్లాప్ అవ్వడంతో కొంచెం గ్యాప్ తీసుకుని ‘అలివేలుమంగ’ అనే చిత్రాన్ని తెరకెక్కించాలని ప్లాన్ చేశారు. గోపీచంద్ ఈ చిత్రంలో హీరో. అయితే ఆ ప్రాజెక్టు స్టార్ట్ అవ్వడానికి ఇంకా టైం ఉంది కదా అని.. మధ్యలో ఓ వెబ్ సిరీస్ ను తెరకెక్కించే విధంగా కూడా ప్లాన్ చేశాడు. ఇందులో భాగంగా.. తేజ గతవారం ముంబై కు వెళ్ళొచ్చాడట. బహుశా అక్కడే ఈయనకు కరోనా సోకి ఉండొచ్చు అనే అనుమానాన్ని వైద్య నిపుణులు వెల్లడిస్తున్నారు.
ఈ వార్త తెలిసిన వెంటనే టాలీవుడ్ సెలబ్రిటీలకు మరింత టెన్షన్ పట్టుకున్నట్టు తెలుస్తుంది. ప్రస్తుతం జరుగుతున్న షూటింగ్ లు కూడా చాలా వరకూ ఆపెయ్యడమే మేలని వారు భావిస్తున్నారట. ఇక తేజ త్వరలోనే కోలుకోవాలని టాలీవుడ్ సెలబ్రిటీలతో పాటు నెటిజన్లు కూడా కోరుకుంటున్నారు.
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
