సినిమా తీయడం ఎంత కష్టమో, ఆ సినిమాను ప్రమోట్‌ చేయడం అంతకంటే కష్టం. ఒప్పుడు ఈ మాట అంటే.. ‘ఛస్‌ ఊరుకో మరీ చెబుతున్నావ్‌’ అనేవారు. అయితే ఇప్పుడు అంతా ప్రమోషన్స్‌ జమానా నడుస్తోంది. సినిమాలో కాస్త విషయం ఉండి, ప్రమోషన్స్‌ పీక్స్‌లో ఉంటే సినిమాకు భారీ విజయం పక్కా. సినిమాలో స్టఫ్‌ లేకపోతే ఏం చేయలేం అనుకోండి. అందుకే ఈ మధ్య సినిమా ప్రమోషన్స్‌ కోసం టీమ్స్‌ చాలా ప్రయత్నాలు చేస్తున్నాయి.
ఈ క్రమంలో ‘డీజే టిల్లు’ టీమ్‌ కూడా అలాంటి ఓ ప్రయత్నం చేసింది. ‘డీజే టిల్లు’ సినిమాకు సీక్వెల్‌గా ఓ సినిమా తెరకెక్కుతున్న విషయం తెలిసిందే. ఈ సినిమాకు సంబంధించి ఇటీవల షూటింగ్‌ మొదలైందని వార్తలొచ్చాయి కూడా. నైట్‌ షూట్‌ జరిగిందని కూడా మీరు చదివే ఉంటారు. అయితే ఏం తీశారు అనేది అప్పుడు తెలియదు. అయితే ఈ రోజు సినిమాకు సంబంధించి టైటిల్‌ను రివీల్‌ చేశారు. సినిమాకు ‘టిల్లు స్క్వేర్‌’ అని పేరు పెట్టారు.
అంటే ఫస్ట్‌ టిల్లుకి ఈ టిల్లు డబుల్‌ ఉంటాడని అర్థం. అయితే ఈ రివీల్‌ కోసం రిలీజ్‌ చేసిన వీడియో అదిరిపోయింది. సినిమా పేరు చెబుతూనే.. డబుల్‌ టిల్లు ఎలా ఉంటాడో చెప్పకనే చెప్పారు. ‘డీజే టిల్లు’లో సిద్ధు జొన్నలగడ్డ.. కాస్త డిఫరెంట్‌ యాటిట్యూడ్‌ చూపిస్తాడు. ఎవరికీ భయపడని వ్యక్తిగా కనిపిస్తాడు. అయితే రాధిక చేతిలో బకరా అయ్యి.. ఆఖరికి ఆమెనే బకరా చేస్తాడు. ఇప్పుడు ‘టిల్లు స్క్వేర్‌’లో సిద్ధు సినిమా హీరోగా కనిపిస్తాడని వీడియోలో చూపించారు.
అయితే కావాలనే అలా చూపించారా? లేక ఇందులో సిద్ధు అలియాస్‌ టిల్లు హీరో అవుతాడా అనేది తెలియాలి. అదేంటి హెడ్డింగ్‌ పూజా హెగ్డే అన్నారు.. ఇప్పటివరకు చెప్పరేంటి అనుకుంటున్నారా? చెబుతాదమనే అనుకున్నాం. కానీ సినిమాలో హీరోయిన్‌గా పూజా హెగ్డే అని టిల్లు మాత్రమే అనుకున్నాడట. కానీ ఆమె అనుకోలేదట. అందుకే అనుపమ పరమేశ్వరన్‌ను తీసుకున్నారట. ఇదీ కథ. అట్లుంటది టిల్లుతోని.
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
