సిద్ధు జొన్నలగడ్డ, నేహా శెట్టి హీరో హీరోయిన్లుగా విమల్ కృష్ణ దర్శకత్వంలో తెరకెక్కిన ఫన్ ఫిల్ ఎంటర్టైనర్ ‘డిజె టిల్లు’. ‘సితార ఎంటర్టైన్మెంట్స్ , ఫార్చూన్ ఫోర్ సినిమాస్ బ్యానర్ పై సూర్యదేవర నాగవంశీ నిర్మించిన ఈ మూవీ ఫిబ్రవరి 12న విడుదలై సూపర్ హిట్ టాక్ ను సొంతం చేసుకుంది. ఫుల్ రన్లో ఈ మూవీ రూ.7 కోట్ల పైనే లాభాలను బయ్యర్లకి అందించి 2022 లో మొదటి బ్లాక్ బస్టర్ మూవీగా నిలిచింది.
నిజానికి ఈ మూవీని సంక్రాంతి కానుకగా విడుదల చేద్దాం అనుకున్నారు కానీ కొన్ని కారణాల వల్ల ఫిబ్రవరి నెలలో విడుదల చేసారు. ఫిబ్రవరి వంటి అన్ సీజన్లో రిలీజ్ అయినప్పటికీ ఈ మూవీ అసాధారణమైన కలెక్షన్లను రాబట్టింది. ఈ మూవీ ఆహా ఓటిటిలో కూడా సూపర్ హిట్ అయ్యింది. తాజాగా బుల్లితెరపై కూడా సూపర్ హిట్ అనిపించుకుంది. ఏప్రిల్ 3 వ తేదీన ఆదివారం నాడు ‘స్టార్ మా’ లో ‘డిజె టిల్లు’ టెలివిజన్ ప్రీమియర్ టెలికాస్ట్ అవ్వగా..
మొదటి సారి టెలికాస్ట్ తోనే 10.83 టి.ఆర్.పి రేటింగ్ ను నమోదు చేసింది. ఈ మూవీ శాటిలైట్ హక్కులని రూ.6 కోట్లకి కొనుగోలు చేశారు స్టార్ మా వారు. అయితే పెట్టిన పెట్టుబడి అంతా మొదటిసారి టెలికాస్ట్ కే రికవరీ అయిపోయిందని తెలుస్తుంది. ఇక పై టెలికాస్ట్ చేస్తే వచ్చేది అంతా లాభాలు అన్నమాట. స్టార్ మాలో టెలికాస్ట్ అయ్యే సినిమాలు అన్నిటికీ మంచి టి.ఆర్.పి నమోదవుతూ ఉంటుంది అని ఈ మూవీతో మరోసారి ప్రూవ్ అయ్యింది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
