‘ఉప్పెన’ చిత్రం నుండీ హీరోయిన్ ఫస్ట్ లుక్ పోస్టర్ విడుదలైన వెంటనే ఆమెకు ఫ్యాన్ ఫాలోయింగ్ ఏర్పడిపోయింది. ‘సినిమా ఎలా ఉన్నా పర్వాలేదు.. ఈమె కోసం కచ్చితంగా ‘ఉప్పెన’ సినిమా చూడాలని’ ప్రేక్షకులు బలంగా ఫిక్స్ అయిపోయారు అనడంలో అతిశయోక్తి లేదు.అటు తరువాత టీజర్, ట్రైలర్లతో ఆమె పై మరింత ఫోకస్ పడింది. ఇక సినిమా విడుదలయ్యి సూపర్ హిట్ అవ్వడం.. అందులోనూ ఆమె పాత్రనే హైలెట్ అవ్వడంతో.. ఇక వరుస ఆఫర్లు కూడా ఈమెను వెతుక్కుంటూ వస్తున్నాయి. ఇదిలా ఉండగా.. ‘ఉప్పెన’ చిత్రంలో కృతి శెట్టి.. బేబమ్మ పాత్ర పోషించింది.
ఈ చిత్రంలో ఈమె పాత్రకి డబ్బింగ్ కూడా పర్ఫెక్ట్ గా కుదిరింది. బేబమ్మ పాత్రకి డబ్బింగ్ చెప్పిన అమ్మాయి ఎవరో తెలుసా? ఆర్జే శ్వేత. గతంలో ఈమె సుమంత్ నటించిన ‘మళ్ళీరావా’ సినిమాలో హీరోయిన్ ఆకాంక్ష సింగ్ పాత్రకి డబ్బింగ్ చెప్పింది. అటు తరువాత మహేష్ బాబు- కొరటాల శివ కాంబినేషన్లో వచ్చిన బ్లాక్ బస్టర్ ‘భరత్ అనే నేను’ సినిమాలో హీరోయిన్ కియారా అద్వానీ పాత్రకు కూడా డబ్బింగ్ చెప్పింది.
అంతేకాదు ‘హలో’ ‘రణరంగం’ చిత్రాల్లో కళ్యాణి ప్రియదర్శిని పాత్రకు అలాగే ‘చిత్రలహరి’ లో నివేదా పేతురాజ్ పాత్రకి కూడా డబ్బింగ్ చెప్పింది. నాని నటించిన ‘ఎం.సి.ఎ’ చిత్రంలోని ఇట్స్ ఎ ఫ్యామిలీ పార్టీ అనే పాటలో కూడా ఈమె కనిపిస్తుంది.ఈమె చేతిలో ప్రస్తుతం చాలా ఆఫర్లు ఉన్నాయట. తమిళ సినిమాల్లో హీరోయిన్లకు కూడా డబ్బింగ్ చెప్పే అవకాశం ఈమెను వెతుక్కుంటూ వచ్చినట్టు తాజా సమాచారం.
Most Recommended Video
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
నాని కొన్ని హిట్ సినిమాలను కూడా మిస్ చేసుకున్నాడు..!
