మంచు విష్ణు చాలా కాలం గ్యాప్ తరువాత ‘మోసగాళ్ళు’ చిత్రంతో ప్రేక్షకుల ముందుకు రానున్నాడు. ఈ సినిమా కోసం హాలీవుడ్ దర్శకుడు జెఫ్రీ చిన్ పని చేశారు. గతంలో ఈ డైరెక్టర్ ఒక్క షార్ట్ ఫిలిం మాత్రమే తీశాడు. ఫీచర్ ఫిలిం తీసిన అనుభవం లేదు. పైగా ఇక్కడి పరిస్థితులు, విషయాల గురించి అతడికి పెద్దగా అవగాహన కూడా లేదు. స్క్రిప్ట్ లో కూడా అతడు భాగం కాదని తెలుస్తోంది. ఫుల్ స్క్రిప్ట్ అతడికిస్తే డైరెక్ట్ చేసినట్లు తెలుస్తోంది.
మరి ఈ స్క్రిప్ట్ కోసం ఎవరు వర్క్ చేశారని అనుకుంటున్నారా..? ఇంకెవరు మంచు విష్ణునే. వరల్డ్ లో అతి పెద్ద ఐటీ స్కామ్ గురించి తెలుసుకున్న విష్ణు.. దాని ఆధారంగా స్క్రిప్ట్ రాసుకున్నాడట. ఫస్ట్ డ్రాఫ్ట్ పూర్తయిన తరువాత మంచు ఫ్యామిలీకి సన్నిహితుడైన డైమండ్ రత్నంబాబుని పిలిపించి అతడి సహాయం తీసుకున్నట్లు తెలుస్తోంది. ఈ ఇద్దరూ కలిసి ‘మోసగాళ్ళు’ స్క్రిప్ట్ ను సిద్ధం చేశారట. ఆ తరువాత దానికి ఇంగ్లీష్ డ్రాఫ్ట్ తయారు చేసి.. ఆ స్క్రిప్ట్ ని డైరెక్టర్ చేతిలో పెట్టినట్లు తెలుస్తోంది.
విష్ణు గతంలో కూడా తను నటించిన కొన్ని సినిమా కథా చర్చల్లో కీలకంగా ఉన్నాడు. కానీ తొలిసారి రచయితగా అతడి పేరు ‘మోసగాళ్ళు’ సినిమాకి పడనుందని తెలుస్తోంది. తన కెరీర్ ని సెట్ చేసుకోవడానికి మంచు విష్ణు స్వయంగా రచయితగా మారాడు. ఈ సినిమాలో కాజల్ ప్రధాన పాత్రలో కనిపించనుంది. అలానే సునీల్ శెట్టి, నవీన్ చంద్ర, నవదీప్ లాంటి నటులు కీలకపాత్రల్లో కనిపించనున్నారు. రేపే ఈ సినిమా ప్రేక్షకుల ముందుకు రానుంది.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
