థియేటర్‌లో ప్రేక్షకుణ్ని సీటు అంచున కూర్చోబెట్టే సినిమాలు చాలా తక్కువగా వస్తుంటాయి. ఇటీవల కాలంలో అలాంటి సినిమా అంటే ‘దృశ్యం’ అనే చెప్పాలి. దేశంలో అన్ని ప్రముఖ సినిమా పరిశ్రమలో ఈ సినిమా రీమేక్‌ అవుతోంది అంటే ఆ సినిమా చూపిస్తున్న ఇంపాక్ట్‌ ఎలాంటిదో అర్థం చేసుకోవచ్చు. జీతూ జోసెఫ్‌ బ్రెయిన్‌లో మెదిలిన ఈ ‘దృశ్యం’లో మూడో పార్టు కూడా వస్తుందట. ‘దృశ్యం 3’కి సంబంధించిన అనౌన్స్‌మెంట్‌ వచ్చింది. అయితే ఆ సినిమా ట్యాగ్‌లైన్‌ ఇప్పుడు చర్చనీయాంశంగా మారింది.
ఒక మెయిన్‌ పాయింట్‌ను పట్టుకుని ముందుకెళ్లే సినిమాలను, లేదంటే ఒకే పేరును పట్టుకుని నెంబర్లు యాడ్‌ చేసుకుంటూ వెళ్లే సినిమాలను ఫ్రాంచైజీలు అంటారు. బాలీవుడ్‌లో ఎక్కువగా కనిపించే ఈ ఫ్రాంచైజీలు ఇప్పుడు సౌత్‌కి కూడా వచ్చేశాయి. మలయాళ పరిశ్రమలో అలా రూపొందిన ప్రాంఛైజీ ‘దృశ్యం’. మోహన్ లాల్‌ – జీతూ జోసెఫ్‌ కాంబో సినిమా ఇది. ఇందులో మూడో సినిమా ‘దృశ్యం 3’ని చిత్రబృందం అనౌన్స్ చేసింది. దీనికి ‘ది కంక్లూజన్‌’ అనే ట్యాగ్‌లైన్‌ పెట్టింది.
అనుకోని విధంగా ఓ హత్య కేసులో ఇరుక్కున్న తన కుటుంబాన్ని కథానాయకుడు మోహన్ లాల్‌ తన సినిమా తెలివితేటల్ని ఉపయోగిస్తూ పోలీసుల చేతికి దొరక్కుండా కాపాడుకుంటూ రావడమే ‘దృశ్యం’ సినిమా కథ. తాజాగా ఈ కథకి ముగింపు అంటూ మూడో ‘దృశ్యం’ అనౌన్స్ చేశారు. ఆ పోస్టర్‌లో మోహన్ లాల్‌ సంకెళ్లతో కనిపిస్తున్నాడు. మరి ఈసారి కథానాయకుడు పోలీసులకి దొరికాడా లేక ఎప్పటిలా తప్పించుకున్నాడా? అనేది ఆసక్తికరం మారింది.
‘దశ్యం 2’ విడుదలైనప్పుడు మూడో పార్టు ఉంటుంది అని క్లారిటీ అయితే ఇచ్చారు. అయితే రెండు పార్టులను మించి ఉండాలి, అలాగే కొత్తగా మెస్మరైజ్‌ చేయాలి కాబట్టి జీతూ జోసెఫ్‌ మూడో పార్టు కోసం ఎక్కువగా సమయం తీసుకుంటారేమో అని అనుకున్నారంతా. కానీ ఇప్పుడు చూస్తే వెంటనే ప్రకటించేశారు. ఈ సినిమాలో మలయాళంలో వచ్చింది అంటే.. తెలుగులో వెంకటేశ్‌ చేస్తారు. కాబట్టి వెయిట్‌ ‘దృశ్యం’ ఫ్యాన్స్‌. అయితే ఇక్కడ ఒకటే డౌట్‌.. ‘దృశ్యం’ క్లైమాక్స్‌లో అంతా అయిపోయింది అనుకున్నప్పుడు ‘దృశ్యం 2’ తెచ్చారు. ఇప్పుడు నిజంగానే మూడో పార్టుతో ఆపేస్తారా?
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
