‘మహానటి’ (Mahanati) – ‘సీతారామం’ (Sitaramam) చిత్రాలతో తెలుగు ప్రేక్షకుల్ని ఆకట్టుకున్న దుల్కర్ సల్మాన్ (Dulquer Salmaan), ప్రస్తుతం ‘లక్కీ భాస్కర్’ (Lucky Baskhar) సినిమాతో హ్యాట్రిక్ హిట్ కొట్టాలని చూస్తున్నాడు. ఈ సినిమా వెంకీ అట్లూరి (Venky Atluri) దర్శకత్వంలో రూపొందింది, అక్టోబర్ 31న పాన్ ఇండియా స్థాయిలో విడుదల కానుంది. ప్రస్తుతం ‘లక్కీ భాస్కర్’ ప్రమోషన్ కార్యక్రమాల్లో పాల్గొంటున్న దుల్కర్, కొన్ని ఆసక్తికర వ్యాఖ్యలు చేశారు. ఇంటర్వ్యూలో, తాను టాలీవుడ్‌లో మల్టీస్టారర్ సినిమాలు చేయాలనుకుంటున్నట్లు తెలిపారు. తాను ప్రభాస్‌తో (Prabhas) పని చేయడానికి ఎప్పుడైనా సిద్ధంగా ఉన్నానని, అలాగే ఎన్టీఆర్(Jr NTR) , రామ్ చరణ్‌తో (Ram Charan) తరచుగా మాట్లాడతానని, వీరితో కలిసి స్క్రీన్ షేర్ చేయడం తనకు ఆసక్తిగా ఉందని చెప్పారు.
టాలీవుడ్‌లో నాని (Nani) , రానా (Rana Daggubati) మంచి ఫ్రెండ్స్ అని, వీరితో కలిసి ఒక ప్రాజెక్ట్ చేయాలని ఉందని వ్యక్తం చేశారు. ఎవరితోనైనా కలిసి మల్టీస్టారర్ సినిమా చేయడానికి సిద్ధమని దుల్కర్ స్పష్టం చేశారు. ప్రస్తుతం దుల్కర్, రానా దగ్గుబాటి‌తో కలిసి ఒక మల్టీస్టారర్ ప్రాజెక్ట్ లో నటిస్తున్నారు. ఈ చిత్రంలో ఇద్దరూ ప్రధాన పాత్రల్లో నటిస్తుండగా, వారే చిత్రాన్ని నిర్మిస్తున్నారు కూడా.
తెలుగు, తమిళ, మలయాళ భాషల్లో ఈ సినిమా రూపొందుతున్నట్లు సమాచారం. ‘లక్కీ భాస్కర్’ విడుదల తర్వాత ఈ ప్రాజెక్ట్ మీద దుల్కర్ ఫోకస్ పెట్టే అవకాశం ఉంది. దుల్కర్ సల్మాన్ ప్రస్తుతం వైజయంతీ మూవీస్ మరియు దర్శకుడు నాగ్ అశ్విన్‌తో తన అనుబంధం కారణంగా ‘కల్కి 2898 ఏడీ’లో (Kalki 2898 AD ) నటించారు. సీక్వెల్ ‘కల్కి పార్ట్ 2’లో కూడా తన పాత్ర ఉంటుందా లేదా అనేది నాగ్ అశ్విన్ (Nag Ashwin) నిర్ణయంపైనే ఆధారపడుతుందని దుల్కర్ తెలిపారు.
‘లక్కీ భాస్కర్’ హిట్ అయితే దుల్కర్ టాలీవుడ్‌లో తనకంటూ ప్రత్యేకమైన మార్కెట్‌ను సృష్టించుకునే అవకాశం ఉందని సినీ విశ్లేషకులు భావిస్తున్నారు. ఇప్పటి వరకు కొత్త కథలు, వినూత్న పాత్రల ఎంపికతో దుల్కర్ తెలుగులో మరింత క్రేజ్ సంపాదించుకున్నారు.
