పటాస్, సుప్రీమ్, రాజా ది గ్రేట్ చిత్రాలతో డైరక్టర్ అనిల్ రావిపూడి హ్యాట్రిక్ అందుకున్నారు. ఈ సారి మల్టీస్టారర్ మూవీ చేస్తున్నారు. ఇందులో విక్టరీ వెంకటేష్ తో కలిసి వరుణ్ తేజ్ స్క్రీన్ షేర్ చేసుకోనున్నారు. దిల్ రాజు నిర్మించనున్న ఈ చిత్రానికి F2 అనే టైటిల్ ఫిక్స్ చేసిన సంగతి తెలిసిందే. ఫన్ అండ్ ఫ్రస్టేషన్ అనేది ట్యాగ్ లైన్ తో రానున్న ఈ మూవీ గత నెల పూజా కార్యక్రమాలు జరుపుకుంది. వెంకటేష్ సరసన తమన్నా, వరుణ్ పక్కన మెహరీన్ లు హీరోయిన్లు గా నటిస్తున్న సినిమా ఈరోజు నుంచి రెగ్యులర్ షూటింగ్ జరుపుకుంటోంది.
తొలిషాట్ మాత్రం వరుణ్ సందేశ్, ప్రియదర్శి పై చిత్రీకరించారు. ఈ షూటింగ్ కి సంబందించిన ఓ ఫోటో ప్రస్తుతం సోషల్ మీడియాలో చక్కర్లు కొడుతోంది. ఇందులో వరుణ్, ప్రియదర్శి లుంగీ కట్టుకొని ఉన్నారు. ఈ ఫోటో చూస్తుంటే పక్కా ఫ్యామిలీ ఎంటర్టైనర్ అని అర్ధమవుతోంది. వెంకటేష్ ఈ షూటింగ్ లోకి త్వరలో జాయిన్ అవుతారు. ఈ సినిమాని వేగంగా కంప్లీట్ చేసి సంక్రాంతికి రిలీజ్ చేయాలనీ చిత్ర బృందం భావిస్తోంది. గురు తర్వాత చాలా గ్యాప్ తీసుకొని వెంకటేష్ చేస్తున్న సినిమాపై ఆయన అభిమానులు ఎన్నో అంచనాలు పెట్టుకొని ఉన్నారు.
