విక్టరీ వెంకటేష్, మెగా ప్రిన్స్ వరుణ్ తేజ్ హీరోలుగా వస్తున్న తాజా చిత్రం ‘ఎఫ్2’. ‘ఫన్ అండ్ ఫ్రస్ట్రేషన్’ అనేది ట్యాగ్ లైన్. హ్యాట్రిక్ చిత్రాల దర్శకుడు అనిల్ రావిపూడి తెరకెక్కిస్తున్న ఈ చిత్రం సంక్రాంతికి విడుదల కాబోతుంది. అయితే ఈ చిత్రం ఫస్ట్ లుక్ విడుదలైనప్పుడు అనేక విమర్శలకు గురయ్యిన సంగతి తెలిసిందే. ‘సౌత్ ఇండియన్ షాపింగ్ మాల్’ బ్యానర్ లాగా ఉందంటూ సోషల్ మీడియాలో చాలా మంది ట్రోల్ చేసారు.
అయితే ఇటీవల రిలీజ్ చేసిన టీజర్ చూసాక అందరి ఒపీనియన్ మారిపోయిందనే చెప్పాలి. ఈ ట్రైలర్ యూట్యూబ్లో సంచలనాలు క్రియేట్ చేస్తుంది. వెంకీ కామెడీ టైమింగ్ వరుణ్ తేజ్ డీసెంట్ పెర్ఫార్మన్స్ కు ఆడియన్స్ ను ఫిదా చేస్తుంది. సంక్రాంతికి ఎలాగూ కామెడీ ఫ్యామిలీ ఎంటర్టైన్మెంట్ ఉన్న చిత్రాలకే జనాలు ఓటేస్తారు కాబట్టి ‘ఎఫ్2’ చిత్రం ఘన విజయం సాధించడం ఖాయమంటున్నారు. గతంలో వచ్చిన ‘సోగ్గాడే చిన్ని నాయనా’ ‘శతమానం భవతి’ చిత్రాలు యావరేజ్ కంటెంట్ తో వచ్చినప్పటికీ బ్లాక్ బస్టర్లు గా నిలిచిన సంగతి తెలిసిందే.
