విక్టరీ వెంకటేష్ – వరుణ్ తేజ్ లు హీరోలుగా అనిల్ రావిపూడి దర్శకత్వంలో తెరకెక్కుతోన్న క్రేజీ మల్టీ స్టారర్ చిత్రం ‘ఎఫ్2’. దిల్ రాజు నిర్మిస్తున్న ఈ చిత్రంలో తమన్నా, మెహ్రీన్ లు హీరోయిన్లుగా నటిస్తున్నారు. దేవీ శ్రీ ప్రసాద్ సంగీతం అందిస్తున్న ఈ చిత్రాన్ని సంక్రాంతికి విడుదల చేయడానికి చిత్ర యూనిట్ ప్లాన్ చేస్తుంది. ఒక్క ఫస్ట్ లుక్ పోస్టర్ పోస్టర్ తప్ప ఈ చిత్రానికి సంబంధించి ఇప్పటి వరకూ టీజర్ రిలీజ్ చేయపోవడం గమనార్హం. చివరికి ఈ చిత్ర డైరెక్టర్ అనిల్ రావిపూడి పుట్టిన రోజుకు కూడా ఏ అప్డేట్ ఇవ్వలేదు చిత్ర యూనిట్. దీనితో వెంకటేష్ – వరుణ్ తేజ్ అభిమానులు ఫన్ లేకుండా ఫ్రస్ట్రేషన్ కు గురవ్వుతున్నారంటూ సోషల్ మీడియాలో జోకులు వినిపిస్తున్నాయి.
అయితే ఈ విషయం పై ఎట్టకేలకు చిత్ర యూనిట్ ట్విట్టర్లో స్పందించింది. చిత్ర యూనిట్ ట్విట్టర్ ద్వారా ట్వీట్ చేస్తూ.. ‘మా చిత్రం షూటింగ్ చివరి దశకు చేరుకుంది. రేపటి నుండీ ‘ఎఫ్2’ కు సంబంధించి అప్డేట్స్ ఇస్తామంటూ అంటూ ట్విట్టర్లో చెప్పుకొచ్చారు. దర్శకుడు అనిల్ రావిపూడి కూడా ‘రేపటి నుండీ ఎఫ్2 ఫన్ మొదలవుతుంది’ అని ట్వీట్ చేయడం విశేషం. డిసెంబర్ 13 న విక్టరీ వెంకటేష్ పుట్టిన రోజు కావడంతో.. ఆ రోజున ‘ఎఫ్ 2’ టీజర్ విడుదల చేసే అవకాశం ఉందంటున్నారు ఫిలింనగర్ విశ్లేషకులు.
