అట్లీ లాంటి మాస్‌ డైరక్టర్‌తో సినిమా అంటే.. ఏ హీరో అభిమాని అయినా ఎంజాయ్‌ చేస్తారు. హమ్మయ్య మా హీరోకు ఫుల్‌ టు మాస్‌ సినిమా పడుతుంది అని ఫిక్స్‌ అయిపోతారు. ఇక రికార్డులు, వసూళ్లు అంటారా? సినిమా రిలీజ్‌ అయ్యాక చూసుకోవచ్చు అవన్నీ. అయితే ఇప్పుడు అట్లీ సినిమా అంటే ఓ హీరో అభిమానులు హడలిపోతున్నారు. ఆ డైరక్టర్‌తో సినిమా వద్దు హీరో గారూ అంటూ సోషల్‌ మీడియా వేదికగా గగ్గోలు పెడుతున్నారు. ఆ హీరో ఎవరు అనేగా మీ డౌట్‌.. ఇంకెవరు అజిత్‌ కుమార్‌.
అవును, మీరు చదివింది కరెక్టే.. అజిత్‌ ఫ్యాన్స్ గత కొద్ది రోజులుగా సోషల్‌ మీడియాలో ఒకటే రిక్వెస్ట్‌లు. అయితే ఈ రిక్వెస్ట్‌లు అజిత్‌ వరకు వెళ్తాయా లేదా అనేది తెలియదు కానీ.. చర్చ, రచ్చ అయితే నడుస్తోంది. విషయం ఏంటంటే.. అజిత్‌ తన తర్వాతి సినిమాను అట్లీతో చేస్తాడు అని గత కొద్ది రోజులుగా వార్తలొస్తున్నాయి. మామూలుగా అట్లీ హీరోయిజాన్ని ఎలివేట్ చేస్తూ క‌మ‌ర్షియ‌ల్ అంశాల‌ను మేళ‌వించి సినిమాలు చేస్తుంటారు.
‘రాజా రాణి’ లాంటి డిఫరెంట్‌ లవ్‌ స్టోరీతో ఎంట్రీ ఇచ్చిన అట్లీ.. ఆ తర్వాత విజయ్‌తో ‘తెరి’, ‘మెర్స‌ల్’ (తెగులులో ‘అదిరింది’), ‘బిగిల్’ (తెలుగులో ‘విజిల్’ ) లాంటి హిట్‌ సినిమాలు ఇప్పుడు బాలీవుడ్ స్టార్ హీరో షారుఖ్ ఖాన్‌తో ‘జ‌వాన్’ అనే సినిమా చేస్తున్నాడు. ఈ సినిమా జూన్‌లో వస్తుంది. ఆ తర్వాత అజిత్‌ సినిమా ఉండొచ్చు అని లేటెస్ట్‌ టాక్‌. అయితే ఇలాంటి రొడ్డ కొట్టుడు మిక్స్‌డ్‌ మాస్‌ సినిమా..
అజిత్‌కు వద్దు అని ఫ్యాన్స్ కోరిక. ప్రస్తుతం విఘ్నేశ్‌ శివన్‌తో ఓ సినిమా చేస్తున్నాడు. ఆ తర్వాతే అట్లీ సినిమా అని టాక్‌. ఫ్యాన్స్ రిక్వెస్ట్‌ నేపథ్యంలో అజిత్‌ ఏమన్నా నిర్ణయం మార్చుకుంటాడేమో చూడాలి. అయితే అట్లీని ఓన్లీ మాస్‌ మసాలా సినిమాల కోవకి కట్టేయలేం అనేది అతని ఫ్యాన్స్ వాదన. ఎలాంటి సినిమా అయినా తీయగలడు అని వాళ్లు అంటున్నారు.
హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!
సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!
