‘పెద్ది’, ‘ప్యారడైజ్’ సినిమాల వాయిదాల గురించి మాట్లాడుతూ బిజీగా ఉన్నాం కానీ.. మరో సినిమా రిలీజ్ డేట్ చెప్పి కామ్గా ఉంది. కనీసం సినిమా నుండి అప్డేట్లు కూడా రావడం లేదు. అసలు ఎప్పుడు సినిమా షూటింగ్ మొదలవుతుంది, ఎప్పుడు పూర్తవుతుంది, అసలు అనుకున్న షెడ్యూల్ ఎందుకు అవ్వడం లేదు అనే వివరాలు తెలియడం లేదు. ఇప్పుడు ఆ సినిమా టీమ్ కచ్చితంగా ఓ అప్డేట్ రిలీజ్ చేయాల్సిన పరిస్థితి వచ్చింది. అదే మే 20. ఎన్టీఆర్ పుట్టినరోజున ప్రశాంత్ నీల్ – తారక్ సినిమా అప్డేట్ ఇవ్వాల్సిన పరిస్థితి వచ్చింది.
మీకు గుర్తుంటే ఎన్టీఆర్ – ప్రశాంత్ నీల్ సినిమా ‘డ్రాగన్’ (రూమర్డ్ టైటిల్) విడుదలను ఈ ఏడాది జూన్లో చేస్తామని టీమ్ తొలుత ప్రకటించింది. అనుకున్నట్లుగా తొలి షెడ్యూల్ స్టార్ట్ చేశారు. తొలి రోజుల్లో తారక్ ఆ షూటింగ్లో పాల్గొనలేదు. ఆ తర్వాత కొన్ని సీన్స్ చేశాడు. ఆ తర్వాత ఎప్పుడు షూటింగ్ మొదలవుతుందో, ఎప్పుడు ఆగుతుందో, ఎప్పుడు రీస్టార్ట్ అవుతుందో తెలియని పరిస్థితి ఏర్పడింది. ఇంత జరుగుతున్నా సినిమా టీమ్ ఇప్పటివరకు సినిమా నుండి ప్రోపర్ అప్డేట్ ఇవ్వడం లేదు.
అయితే మే 20న కచ్చితంగా సినిమా నుండి ఓ అప్డేట్ ఇవ్వాలని అనుకుంటున్నారట. మరీ గ్లింప్స్ వీడియోలు లాంటివి కాకపోయినా, టైటిల్ రివీల్ లేదా ఒక పోస్టర్ రిలీజ్ చేసి ‘మరో అదిరిపోయే అప్డేట్ త్వరలో’ అని ఊరించొచ్చు అని చెబుతున్నారు. ఒకవేళ ఇదే జరిగితే ఫ్యాన్స్ నిరాశపడతారు. ఎందుకంటే సినిమా విడుదల అవ్వాల్సిన తేదీ వచ్చేసినా కనీసం టీజర్ కూడా ఇవ్వకపోవడం ఏంటి అనే బాధ కచ్చితంగా ఉంటుంది.
ఇక తారక్ విషయానికొస్తే ఎన్నో ఆశలతో చేసిన ‘వార్ 2’ సినిమా బాక్సాఫీసు దగ్గర దారుణమైన పరాజయాన్ని ఎదుర్కొంది. దానికి మించి ఇమేజ్నే దెబ్బతీసిన పాత్రగా ఆ పాత్ర నిలిచింది. దీంతో ఇప్పడు ‘దేవర’, ‘వార్ 2’ నొప్పలను తగ్గించే మందులా ప్రశాంత్ నీల్ సినిమా ఉండాల్సిన అవసరం ఎంతైనా ఉంది. అది తారక్కి అయినా, ఆయన ఫ్యాన్స్కైనా.
