స్టార్ హీరోయిన్‌.. ఈ పేరు తెచ్చుకోవడం చాలా కష్టం అనుకుంటాం కానీ.. ఒక్క సినిమా సరైన విజయం సాధించకపోయినా స్టార్ హీరోయిన్‌ అవ్వొచ్చు. అదెలా సాధ్యం అనుకుంటున్నారా? కావాలంటే శ్రీలీలనే చూడండి. తెలుగులో ఆమె చేసిన తొలి సినిమా ‘పెళ్లిసందD’ మోస్తరుగా ఆడింది అని చెప్పాలి. అది కూడా అమె అందం, డ్యాన్స్‌, క్యూట్‌నెస్‌తోనే అని అంటారు. ఆ విషయమే ఇప్పుడు ఆమెకు పెద్ద ఫ్యాన్‌ బేస్‌న తీసుకొచ్చి పెట్టింది. అలాగే పెద్ద ఎత్తున సినిమాలు వచ్చేలా చేస్తోంది. ఇప్పుడు ఇదే జోరులో శ్రీలీల నెలకో సినిమాతో రాబోతోంది.
అవును మీరు విన్నది నిజమే. వైష్ణవ్ తేజ్ ‘ఆదికేశవ్‌’ సినిమా రిలీజ్‌ డేట్‌ ఇచ్చాక ఈ విషయంలో క్లారిటీ వచ్చింది. టాలీవుడ్‌లో ప్రస్తుతం అత్యధిక డిమాండ్ ఉన్న హీరోయిన్‌ అయిన శ్రీలీలను తమ సినిమాల్లోకి తీసుకోవడానికి ఇటు సీనియర్‌ స్టార్ హీరోలు, అటు కుర్ర స్టార్ హీరోలు కూడా చూస్తున్నారు. సీనియర్‌ స్టార్ హీరోలు అయితే కూతురు పాత్రలు, కోడలి పాత్రల కోసం అడుగుతున్నారు. దీంతో ఆమెకు వరుస ఛాన్స్‌లు వస్తున్నాయి. అలా నెలకో సినిమా రాబోతోంది ఆమె నుండి.
సెప్టెంబర్ 15న రామ్ ‘స్కంద’ రిలీజ్‌ అవుతోంది. బోయపాటి శ్రీను సినిమా కావడంతో హీరోయిన్‌ పాత్ర కూడా బలంగా ఉంటుంది అని ఎక్స్‌పెక్ట్‌ చేయొచ్చు. ఇక అక్టోబర్ 19న నందమూరి బాలకృష్ణ ‘భగవంత్ కేసరి’గా రాబోతున్నాడు. ఈ సినిమాలో కాజల్ అగర్వాల్ కథానాయిక. అయితే శ్రీలీల పాత్ర హీరో పాత్రకు సమానం అని అంటున్నారు. అనిల్ రావిపూడి కామెడీ టైమింగ్‌, శ్రీలీల యాక్టింగ్‌ కలసి అదిరిపోయయాని టాక్‌. వైష్ణవ్ తేజ్ ‘ఆదికేశవ’ నవంబర్ 10న వస్తోంది. అందులో శ్రీలీల భలే యాక్టివ్‌గా కనిపిస్తుందని టాక్‌.
ఇక డిసెంబర్ 23న నితిన్ వక్కంతం వంశీల ‘ఎక్స్‌ట్రా ఆర్డినరీ మేన్‌’ వస్తుంది. ఇందులో (Sreeleela) శ్రీలీల పాత్ర ఎక్స్టార్డినరీగా ఉండబోతోంది అని టాక్‌. ఇక వచ్చే సంక్రాంతికి మహేష్‌బాబు – త్రివిక్రమ్‌ ‘గుంటూరు కారం’ రిలీజ్‌ చేస్తామని చెబుతున్నారు. ఆ తర్వాత కూడా సినిమాలు రెడీగా ఉన్నాయి కానీ డేట్స్‌ ఇంకా ఫైనల్‌ కాలేదు. విజయ్‌ దేవరకొండ సినిమా, పవన్‌ కల్యాణ్‌ ‘ఉస్తాద్‌ భగత్‌ సింగ్‌’, నవీన్‌ పొలిశెట్టి ‘అనగనగా ఒక రాజు’ లైనప్‌లోని ఇతర సినిమాలు.
మిస్టర్ ప్రెగ్నంట్ సినిమా రివ్యూ & రేటింగ్!
ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?
